Video
Read full review
2023-08-14
41 views
瓊天 Canteen 📍銅鑼灣軒尼詩道475-481號東南大廈地下E號舖有一日下午我同老爸去咗銅鑼灣行街，行到咁上下，見到有間海南雞燉湯專門店，有唔少上班族幫襯，於是決定喺度食午餐。價錢喺銅鑼灣地段嚟講十分經濟，仲非常適合上班族或者屋企唔係成日煲湯嘅人士！ 💰$99皇牌燉湯飯餐 招牌脫骨海南雞飯 🐓🍚餐廳招牌係脫骨海南雞飯，油飯粒粒分明，灑上炸蒜粒更能增加香氣。脫骨海南雞食用時非常方便，雞肉嫩滑雞皮Q彈，無論係點薑蔥、醬油定辣汁都非常夾。我最欣賞佢嘅雞皮同雞肉間有層骨膠原，口感滑溜，唔係間間海南雞都做到咁嘅效果。花膠螺頭桂圓湯 🍲我揀咗花膠螺頭桂圓湯，細細嘅燉盅內有兩隻入晒味嘅雞腳、一片又大又厚肉嘅花膠、煲湯豬肉、螺頭、瑤柱同桂圓肉等。呢款燉湯能滋陰補氣，補腎養顏，算係五款湯入面最滋潤嘅一款。佢嘅顏色比較淺，不過飲落好香海味嘅香味，肯定無點落味精，原汁原味，十分推介愛美嘅女士一試。 💰$99皇牌燉湯飯餐 醬香梅菜扣肉飯 🐖🍚老爸的浪漫，梅菜扣肉飯！我老爸都幾鍾意食梅菜扣肉，佢讚呢個梅菜扣肉無沙，鹹甜適中。扣肉肥瘦相間，肥肉唔油膩，瘦肉唔乾柴。石斛太子參無花果湯 🍲老爸揀咗石斛太子參無花
📍銅鑼灣軒尼詩道475-481號東南大廈地下E號舖
有一日下午我同老爸去咗銅鑼灣行街，行到咁上下，見到有間海南雞燉湯專門店，有唔少上班族幫襯，於是決定喺度食午餐。價錢喺銅鑼灣地段嚟講十分經濟，仲非常適合上班族或者屋企唔係成日煲湯嘅人士！
[價錢 Price]
💰$99
皇牌燉湯飯餐 招牌脫骨海南雞飯 🐓🍚
餐廳招牌係脫骨海南雞飯，油飯粒粒分明，灑上炸蒜粒更能增加香氣。脫骨海南雞食用時非常方便，雞肉嫩滑雞皮Q彈，無論係點薑蔥、醬油定辣汁都非常夾。我最欣賞佢嘅雞皮同雞肉間有層骨膠原，口感滑溜，唔係間間海南雞都做到咁嘅效果。
花膠螺頭桂圓湯 🍲
我揀咗花膠螺頭桂圓湯，細細嘅燉盅內有兩隻入晒味嘅雞腳、一片又大又厚肉嘅花膠、煲湯豬肉、螺頭、瑤柱同桂圓肉等。呢款燉湯能滋陰補氣，補腎養顏，算係五款湯入面最滋潤嘅一款。佢嘅顏色比較淺，不過飲落好香海味嘅香味，肯定無點落味精，原汁原味，十分推介愛美嘅女士一試。
[價錢 Price]
💰$99
皇牌燉湯飯餐 醬香梅菜扣肉飯 🐖🍚
老爸的浪漫，梅菜扣肉飯！我老爸都幾鍾意食梅菜扣肉，佢讚呢個梅菜扣肉無沙，鹹甜適中。扣肉肥瘦相間，肥肉唔油膩，瘦肉唔乾柴。
石斛太子參無花果湯 🍲
老爸揀咗石斛太子參無花果湯，餐廳以石斛、太子參、無花果、唐排等食材燉製8小時，具滋陰清熱、益脾肺等功效。因為落咗無花果，所以湯底更為清甜濃味，而石斛則略帶回甘，果肉亦因長時間燉煮而煮爛入味，飲湯時記得試下果肉啦！
[價錢 Price]
💰$32
泰式鳳爪沙律 (小食)🐓
小食我哋叫咗一份泰式鳳爪沙律，鳳爪已去骨，方便食用。泰式調味唔會酸到喇喉，辣味適中，微酸微辣十分醒胃。
[價錢 Price]
💰$32
泰式墨魚餅 🦑
一碟有4塊墨魚餅，調味偏泰式，重香料味、魚鮮味同辣味。個人認為就咁食已經好夠味，不過如果想再濃啲，可以點埋泰式辣醬食。
[價錢 Price]
💰$28 (套餐加$12)
荔枝蘆薈梳打 🍹
老爸叫咗杯荔枝蘆薈梳打，佢嘅荔枝味唔會好甜，用粗飲管可以飲到啖啖蘆薈粒，口感好爽口，夏天必點！
[價錢 Price]
💰$22 (套餐加$8)
桂花烏龍 🫖
我其中一樣最愛嘅飲品就係冷泡茶，海南雞同梅菜扣肉偏油偏重調味，飲返淡冷泡桂花烏龍唔單止消暑，仲可以解油膩！桂花味道清香，烏龍回甘，$8嚟講好抵飲。
Post
