Video
Read full review
2024-11-29
278 views
適逢朋友生日，想同佢食好啲，所就帶咗佢嚟呢度試吓呢間Omakase☺️位於銅鑼灣糖街嘅瀧宴日本料理，位置十分方便，簡單啲就係喺皇室堡轉彎行多幾步就到🤭係Sugar+26樓，其實平時好少行呢個位，估唔到呢幢大廈都有好多嘢食😆💁♀️ 南非鮑魚南非鮑魚配蘿蔔，再加埋自家製醬汁，甜甜地；鮑魚好淋彈牙😋💁♀️刺身有三款魚，肉質爽口鮮甜，特別有我最鍾意嘅油甘魚🤤💁♀️金槍魚腩手卷係脆脆嘅米餅上放上金槍魚腩，個感覺好得意，💁♀️茶碗蒸蛋唔講唔知，我朋友好鍾意食茶碗蒸，佢見到之後勁開心😂；蒸蛋好大碗，入面有蟹肉同蝦肉，蛋亦蒸得好滑💁♀️吸物呢個好有驚喜，係魚湯，我最鍾意就係飲魚湯，係用頭先刺身嗰三款魚嘅魚骨熬製而成，熱辣辣，非常鮮甜🥰💁♀️ 龍蝦龍蝦好大隻好多肉，配悝蝦頭嘅膏一齊煎，好香口；龍蝦極度新鮮，蝦肉煎得啱啱好，朋友話係佢食過最好食嘅龍蝦😆💁♀️鵝肝鵝肝大小肥瘦啱啱好，唔腥；配埋多士同埋黑醋汁，好好食，完全唔會膩，鵝肝永遠係我嘅至愛🤩。配埋甜甜嘅黑豆清請味蕾💁♀️美國頂級牛柳牛柳係厚切，啖啖肉好有口感，有濃濃嘅牛味，而且唔會好韌，點少少海鹽一齊食，正👍碟旁邊嘅炸蒜片亦都好好食💁♀️ 炒飯飯粒粒粒
位於銅鑼灣糖街嘅瀧宴日本料理，位置十分方便，簡單啲就係喺皇室堡轉彎行多幾步就到🤭
係Sugar+26樓，其實平時好少行呢個位，估唔到呢幢大廈都有好多嘢食😆
💁♀️ 南非鮑魚
南非鮑魚配蘿蔔，再加埋自家製醬汁，甜甜地；鮑魚好淋彈牙😋
💁♀️刺身
有三款魚，肉質爽口鮮甜，特別有我最鍾意嘅油甘魚🤤
💁♀️金槍魚腩手卷
係脆脆嘅米餅上放上金槍魚腩，個感覺好得意，
💁♀️茶碗蒸蛋
唔講唔知，我朋友好鍾意食茶碗蒸，佢見到之後勁開心😂；
蒸蛋好大碗，入面有蟹肉同蝦肉，蛋亦蒸得好滑
💁♀️吸物
呢個好有驚喜，係魚湯，我最鍾意就係飲魚湯，係用頭先刺身嗰三款魚嘅魚骨熬製而成，熱辣辣，非常鮮甜🥰
💁♀️ 龍蝦
龍蝦好大隻好多肉，配悝蝦頭嘅膏一齊煎，好香口；龍蝦極度新鮮，蝦肉煎得啱啱好，朋友話係佢食過最好食嘅龍蝦😆
💁♀️鵝肝
鵝肝大小肥瘦啱啱好，唔腥；配埋多士同埋黑醋汁，好好食，完全唔會膩，鵝肝永遠係我嘅至愛🤩。配埋甜甜嘅黑豆清請味蕾
💁♀️美國頂級牛柳
牛柳係厚切，啖啖肉好有口感，有濃濃嘅牛味，而且唔會好韌，點少少海鹽一齊食，正👍
碟旁邊嘅炸蒜片亦都好好食
💁♀️ 炒飯
飯粒粒粒分明，雖然細細碗都夠飽
💁♀️炒雜菜
有芽菜韭菜同菇一齊炒，朋友話啲芽菜比出邊食嘅粗身，好有口感，配埋旁邊嘅XO醬一齊食，提升層次
💁♀️甜品
係巨峰提子啫喱🍇，唔太甜，好清新
一個價錢，有齊鮑魚、龍蝦、鵝肝，好抵食🫶
Post
