Video
Read full review
2024-08-31
62 views
香港好多日本餐廳都有Omakase，而今次去嘅鮨店，佢個餐廳名比較特別 ~ 重房，餐廳裝修型格舒服，性價比超高，人氣仲高，加上餐廳只有大約十幾個位唔算太多，所以想食就要提前訂位啦🙂頭盤 北海道白粟米＆芝麻醬菠菜配鱈場蟹肉喺香港好少食到北海道白粟米，一咬落去啲汁爆出嚟，超juicy仲好鮮甜，再配上鮮甜既鱈場蟹肉同芝麻醬菠菜，頭盤已經令到胃口大開😍黑色誘惑海膽用新鮮即開嘅北海道紫海膽配上日本甜蝦，上面仲有矜貴嘅Caviar，濃郁嘅海膽配上鮮甜嘅甜蝦，加上柔軟如綿的口感，簡直將舌頭融化，老闆仲話北海道紫海膽時令季節今個月就會完，好彩趕得切品嚐得到，每一口都係幸福嘅感覺。碟邊仲細心附有淡雪鹽，可按個人口味加減。酒杯高貴紅蝦名貴嘅西班牙深海紅蝦，廚師將蝦膏打碎做醬汁，蝦身點啲汁黎食，濃郁鮮甜又唔會膩，蝦頭酥炸至爽脆容易入口，送酒一流🤤北海道仙鳳趾生蠔來自北海道既仙鳳趾生蠔，非常大隻，特色係非常creamy鮮甜，入口好fresh冇重金屬味，上面加左啲土佐醋啫喱同埋沖繩海葡萄，簡直係perfect match😍之後食唔返咁好味嘅生蠔點算好😅刺身系列1. 平政魚平政魚係鰤油同油甘魚既近親，師傅將平政魚
香港好多日本餐廳都有Omakase，而今次去嘅鮨店，佢個餐廳名比較特別 ~ 重房，餐廳裝修型格舒服，性價比超高，人氣仲高，加上餐廳只有大約十幾個位唔算太多，所以想食就要提前訂位啦🙂
頭盤
北海道白粟米＆芝麻醬菠菜配鱈場蟹肉
喺香港好少食到北海道白粟米，一咬落去啲汁爆出嚟，超juicy仲好鮮甜，再配上鮮甜既鱈場蟹肉同芝麻醬菠菜，頭盤已經令到胃口大開😍
黑色誘惑海膽
用新鮮即開嘅北海道紫海膽配上日本甜蝦，上面仲有矜貴嘅Caviar，濃郁嘅海膽配上鮮甜嘅甜蝦，加上柔軟如綿的口感，簡直將舌頭融化，老闆仲話北海道紫海膽時令季節今個月就會完，好彩趕得切品嚐得到，每一口都係幸福嘅感覺。碟邊仲細心附有淡雪鹽，可按個人口味加減。
酒杯高貴紅蝦
名貴嘅西班牙深海紅蝦，廚師將蝦膏打碎做醬汁，蝦身點啲汁黎食，濃郁鮮甜又唔會膩，蝦頭酥炸至爽脆容易入口，送酒一流🤤
北海道仙鳳趾生蠔
來自北海道既仙鳳趾生蠔，非常大隻，特色係非常creamy鮮甜，入口好fresh冇重金屬味，上面加左啲土佐醋啫喱同埋沖繩海葡萄，簡直係perfect match😍之後食唔返咁好味嘅生蠔點算好😅
刺身系列
1. 平政魚
平政魚係鰤油同油甘魚既近親，師傅將平政魚刺身加上芝麻碎一齊食，可以將平政魚嘅鮮味大大提昇，老闆仲解釋夏天食平政魚，冬天先食油甘魚鰤魚，果然係不時不食。
2. 九州象拔蚌
白象拔蚌上放上又靚又新鮮既紫蘇花串，加上柚子皮，岩鹽，青檸汁，成件藝術品咁實在太靚，有啲唔捨得放入口，食落新鮮甜美又有紫蘇花嘅清新，簡直係極品😍
3. 關鯖魚
關鯖魚刺身用火槍炙燒，再加上薑片青葱，魚味香口又有薑葱味，好有特色。
4. 中吞拿魚腩
吞拿魚稀有部位腦天燒到半熟，再加上中吞拿魚腩，中間夾塊紫蘇葉，外面包住又香又脆嘅紫菜，一啖放入口內爆滿魚油香，感覺又暖又凍，口感世一🤩
磯煮鮑魚
用味淋，糖，豉油，慢煮幾個鐘後再浸一晚，準備工夫十足，先煮到咁彈牙入味又夠淋嘅鮑魚，另外白蘿蔔係用鮑魚汁浸煮而成，相當鮮甜入味，仲有個醬汁係全碟不可或缺嘅一部份，係用鮑魚肝打成，又香又creamy，店員教路先試咗唔點醬就咁食鮑魚感受佢嘅鮮味，之後再按自己喜好點醬食比較兩者之不同🤩
鹽燒吞拿魚下巴
用靚靚嘅富士山碟，襯托住鹽燒吞拿魚下巴，皮脆香口肉嫩，再加上南瓜湯球份子料理，提一提南瓜湯球一定要一口食哂，否則湯球爆汁，全身盡濕😂
壽司 (舍利柔軟輕盈，不黏不膩)
1. 石垣貝 - 經師傅拍打後即時收縮，肉質新鮮爽口到無可媲美
2. 真鯛 - 九州野生真鯛，上面加上烏魚子，魚肉鮮甜爽口彈牙
3. 深海池魚 - 用炙燒等啲魚油滲出黎，但係唔會燒到魚肉，以保持魚肉新鮮度，好考師傅既功夫👍🏻鮮甜有淡淡煙燻味
4. 池魚 - 上面配咗日本炸蒜，另有一種美味
5. 秋刀魚 - 魚鮮彈牙而不會有腥味，加上葱粒，勁好味
6. 馬糞海膽 - 一板板新鮮空運到港，用紫菜包住新鮮嘅海膽，外表尤如一隻橙色熱狗🌭，但食落口感細滑，幸福感爆燈🤩
食到飽飽之際，老闆送上好香嘅魚湯，用30多種魚煲出嚟，鮮中帶甜無魚腥味，湯入面既娃娃菜，吸晒魚湯嘅精華，太配合啦😍
水果時間
老板遞上由日本空運嘅靜岡縣蜜瓜，蜜瓜顏色勁靚，食落又清甜多汁，毫無違和感，為依個豐富晚餐畫上完全句號😍最後想講吓老闆Ivan好靚仔，服務超好，講解又清楚，有佢招呼真係好榮幸😍😍😍
評分：最高為5分
治癒度：👩⚕️👩⚕️👩⚕️👩⚕️👩⚕️
抵食度：💉💉💉💉💉
翻兜指數：🩺🩺🩺🩺🩺
重房
銅鑼灣加路連山道1號地下18-19號舖
📍銅鑼灣港鐵站F1出口5分鐘路程
#healingbobo #foodie #hkfoodie #foodiehk #香港 #美食 #seafood #海鮮 #sushi #sashimi #Omakase #廚師發辦 #CWB #銅鑼灣 #Shigefusa #重房
Post
