Video
Read full review
2021-08-31
142 views
今日食飯時間落大雨，所以平日好多人排隊嘅蝦麵店喺今日嚟講唔算好多人，我地一行四人等左大概十分鐘就有位了~鋪頭入面面積算細，主要劃為兩區：一區係bar枱、一區就係普通座位，筆者建議如果多過兩個人去食嘅話就唔好坐bar枱了，始終個個人對住棟牆，都幾難傾偈。店鋪係以電子方式落單，憑住店員俾我地嘅QR code就可以入到電子版餐牌，餐牌食物種類繁多，但係要小心啲點選菜單，尤其係一大班人點餐嘅時候，好容易因為一時唔小心就delete左之前果啲，又或者唔記得按save，之後就......大家都估到咩事了。所以我地今日點餐果陣都好小心，費事一唔小心又要重頭嚟過啦~我地每人都嗌左一人餐，包括：一份主食(麵食或飯類)、一份小食同埋一杯野飲，呢度最出名嘅就係佢濃郁嘅秘製辣味蝦湯底，當然要試下啦，我嗌左蝦肉肉片麵，配馬來香炸雞翼，再加一杯凍美祿，盛惠$80~先講味道，湯底十分濃郁、蝦肉同肉片嘅配搭非常新鮮，唯一美中不足嘅地方就係檬粉太淋了......雞翼係啱啱新鮮炸起，外脆內軟，調味亦唔會過份濃烈，容易入口！整體嚟講，食物質素完全對得住呢個價格，而餐廳坐落於灣仔商業中心地帶，大家就唔好對店內環境有過高嘅期望
鋪頭入面面積算細，主要劃為兩區：一區係bar枱、一區就係普通座位，筆者建議如果多過兩個人去食嘅話就唔好坐bar枱了，始終個個人對住棟牆，都幾難傾偈。
店鋪係以電子方式落單，憑住店員俾我地嘅QR code就可以入到電子版餐牌，餐牌食物種類繁多，但係要小心啲點選菜單，尤其係一大班人點餐嘅時候，好容易因為一時唔小心就delete左之前果啲，又或者唔記得按save，之後就......大家都估到咩事了。所以我地今日點餐果陣都好小心，費事一唔小心又要重頭嚟過啦~
我地每人都嗌左一人餐，包括：一份主食(麵食或飯類)、一份小食同埋一杯野飲，呢度最出名嘅就係佢濃郁嘅秘製辣味蝦湯底，當然要試下啦，我嗌左蝦肉肉片麵，配馬來香炸雞翼，再加一杯凍美祿，盛惠$80~先講味道，湯底十分濃郁、蝦肉同肉片嘅配搭非常新鮮，唯一美中不足嘅地方就係檬粉太淋了......雞翼係啱啱新鮮炸起，外脆內軟，調味亦唔會過份濃烈，容易入口！
整體嚟講，食物質素完全對得住呢個價格，而餐廳坐落於灣仔商業中心地帶，大家就唔好對店內環境有過高嘅期望了。拎住$80嘅午飯budget，嚟蘭杜街嘅蝦麵店都不失為一個唔錯嘅選擇架！
17 views
0 likes
0 comments
Post
