興樂菜館

Open Now

Now Closed

長洲出名海鮮，興樂菜館真係首選，因為之前食過其他令我好失望，都覺得好一般，不過自從食咗呢一間原居民朋友介紹嘅興樂菜館，每次嚟長洲要食海鮮就一定揀呢間，因為呢間真係特別新鮮。我和朋友同仔仔一齊食，叫咗三個餸一個飯，分別椒鹽魷魚、薑蔥炒蟹、粉絲蒸扇貝，椒鹽魷魚仔仔佢自己一個已食咗大半碟，重點要點醬汁，粉絲蒸扇貝配飯小朋友都好鍾意，重點係配海景，簡直一流。同埋我哋平日同埋12點前入座，所以唔多人，坐得舒適，傾計輕鬆食飯一下最啱。