曲奇阿嬸 (Closed)

常常去一田都經過呢間曲奇餅店，本身以為佢得一個攤檔平平無奇咁，點知發現佢網上有好夕一好評，於是就買左3塊試試😋店員好熱情介紹佢地嘅招牌曲奇餅，發現佢地好多款都有朱古力成份。係店員介紹下買左招牌雙重朱古力曲奇、士多啤梨紅寶石朱古力曲奇，同埋抹茶麻糬曲奇。雙重朱古力曲奇係好香朱古力味，不過又唔係特別香濃，不過不失咁；士多啤梨紅寶石朱古力曲奇就相對特別，有士多啤梨香味，又有朱古力味，而朱古力又有點甜甜酸酸嘅果味，呢款不錯；最後抹茶麻糬曲奇不是太甜，中間嘅麻糬煙煙韌韌，口感特別。不過一塊都要成$30幾有啲貴，而且可能健康原因佢無落太多牛油，有少少乾，試一次都無妨😃