Video
Read full review
2021-04-06
2569 views
疫情期間冇得出國去旅行，香港人想搵地方玩或者拍拖已經諗爆頭，而長洲就係其中一個熱門嘅地方。講起長洲相信呢間係當地最多人去嘅其中一間小店，出名在佢有可以打卡嘅牆，藍色磚嘅牆身上面有長洲兩個字，營造到好似地鐵站既牆身，唔講以為有長洲呢個站，而店內嘅裝潢都係走清新藍白風格，由頭到尾都係好適合打卡。店內會有一塊黑板寫住店主嘅留言，有趣嘅係Wi-Fi Password叫你計數先可以計到出嚟，將密碼譯返做中文其實係好人一世平安。而呢間小店主打乳酪飲品，可以係menu上見到標榜自己<可能係全香港最好飲嘅乳酪>。用嘅乳酪都係採用香港子母奶做原材料，每晚自家發酵，為確保新鮮度同埋飲品嘅質量，每日用唔完就會掉咗佢，喺個雖然踏入春天但係天氣似夏天嘅香港，飲一杯透心涼嘅乳酪飲品實在最適合不過。除咗乳酪飲品仲有提供梳打同果花茶，都係配搭唔同時令嘅水果製作，成份天然，飲落唔會覺得好人工。店舖係小巷入面，係甘永泰左手邊條巷仔，碼頭行過去五分鐘內一定到。當日雖然係星期日，但去到唔使話排隊排好耐，大概等咗5分鐘就有得攞嘢飲，而店舖都會提供少量嘅堂食位置，但堂食會要求每位有最低消費一杯飲品。-1️⃣ 草莓角酪
疫情期間冇得出國去旅行，香港人想搵地方玩或者拍拖已經諗爆頭，而長洲就係其中一個熱門嘅地方。
講起長洲相信呢間係當地最多人去嘅其中一間小店，出名在佢有可以打卡嘅牆，藍色磚嘅牆身上面有長洲兩個字，營造到好似地鐵站既牆身，唔講以為有長洲呢個站，而店內嘅裝潢都係走清新藍白風格，由頭到尾都係好適合打卡。
店內會有一塊黑板寫住店主嘅留言，有趣嘅係Wi-Fi Password叫你計數先可以計到出嚟，將密碼譯返做中文其實係好人一世平安。
而呢間小店主打乳酪飲品，可以係menu上見到標榜自己<可能係全香港最好飲嘅乳酪>。用嘅乳酪都係採用香港子母奶做原材料，每晚自家發酵，為確保新鮮度同埋飲品嘅質量，每日用唔完就會掉咗佢，喺個雖然踏入春天但係天氣似夏天嘅香港，飲一杯透心涼嘅乳酪飲品實在最適合不過。除咗乳酪飲品仲有提供梳打同果花茶，都係配搭唔同時令嘅水果製作，成份天然，飲落唔會覺得好人工。
店舖係小巷入面，係甘永泰左手邊條巷仔，碼頭行過去五分鐘內一定到。當日雖然係星期日，但去到唔使話排隊排好耐，大概等咗5分鐘就有得攞嘢飲，而店舖都會提供少量嘅堂食位置，但堂食會要求每位有最低消費一杯飲品。
-
1️⃣ 草莓角酪 💰38（👅: 8/10）
草莓角酪
$38
13 views
1 likes
0 comments
呢一杯係依間鋪嘅招牌飲品，做法係將原味乳酪加入奶粉、檸檬汁等調味，而且仲有加紫米增加口感。而水果都係每日有果欄入貨，再製成果蓉。
淨係杯嘢飲已經好好打卡，見到兩個好大粒嘅士多啤梨(其實係士多啤梨片，唔係兩大粒)，店員有提醒要攪勻先好飲，飲落係一杯甜甜酸酸嘅乳酪飲品，加上淡淡的草莓味，質地唔算好濃稠，未去到平時飲開嘅乳酪飲品咁濃稠，感覺似飲緊士多啤梨奶昔再稀啲。每啖都可以食到草莓果肉，食落新鮮，唔會覺得係食緊人工嘅士多啤梨味，而且唔會過甜過酸，喺店舖嘅枱上面列明所有飲品都係已經微糖，飲落係開胃而且唔會覺得好Heavy，仲會飲到少少紫米，口感豐富，天氣咁熱真係會一啖接一啖咁飲，略嫌紫米嘅份量唔夠多，如果多啲更好，同埋嘢飲比較多泡。
-
2️⃣ 小英角酪 💰42（👅: 8/10)
小英角酪
$42
10 views
1 likes
0 comments
小英角酪即係金鑽鳳梨角酪，相信係期間限定嘅角酪，因為佢唔係喺原本Menu上既角酪，而係另外一張紙上面。適逢每年嘅三月到四月係台灣金鑽鳳梨嘅出產季，所以推出呢一個系列嘅角酪。隨左金鑽鳳梨角酪，另外仲有金鑽鳳梨百香果梳打。
小英角酪飲落非常清甜，唔會有平時食開菠蘿既勁酸味，甜味重過酸味，只係帶小小酸，乳酪入口依舊軟滑，中間夾雜新鮮鳳梨果肉粒，感覺比平時食到嘅更甜更多汁，成杯飲落去唔會偏甜，非常消暑。
-
⭐ 可能因為天氣熱，所以飲落覺得特別好飲好消暑，而且掃街食得太多野，都冇好好飲一杯野。之前淨係求其一間小食店度買啲冰沙嚟飲，但而家就多咗呢個生果乳酪飲品呢個選擇，微糖所以飲落唔甜唔會覺得好肥。
最可惜係試唔到佢個人氣卷蛋，角酪卷同大馬士革卷，分別係蝶豆花同抹茶口味，星期日大概五點去到就賣晒，但第二日星期一大概晏晝一點去到仲未有得買，聽講每日限量平時兩點就會賣晒，下次會早啲到長洲試。
-
👅味道: 8/10
🍴環境: 8/10
💰消費: $80 (服務費: NA)
Post
