Video
Read full review
2021-01-31
895 views
餐廳：Morocco's (長洲)地址：長洲新興海旁街71號地下長洲碼頭落船一出嚟🛳，喺海旁一帶有好多餐廳，除咗只係識得食海鮮之外🦐，其實都仲有唔同嘅菜色可以選擇，今次就去咗Morocco’s呢間主打印度同泰式嘅餐廳🇮🇳🇹🇭有室外同室內座位，我就揀咗坐室外，近住日落時分仲可以欣賞呢個黃昏晚霞🌄，好寫意🥰椰子雞湯(中size) $118中size可以裝到7-8碗，2-3個人飲啱啱好，呢個椰子雞湯香氣濃郁🥥，椰子味同鮮雞香相輔相成，唔會override咗另一隻味道，雞肉無骨，嫩滑入味😋，仲用咗唔少香料例如薑片、香茅去調味，好補呀💪菠菜雞肉咖喱 $88雖然上枱果陣望落顏色怪怪地🙈，但食落原來唔差㗎🤪，將菠菜磨成蓉，加入孜然同印度香料，用香脆印度薄餅($28)蘸起雞肉同醬汁，食落有清新菠菜同咖哩香，咬多幾吓仲食得出陣陣孜然味😌，唔錯唔錯，有時真係唔好比食物嘅賣相呃到呀😂，原來係有驚喜嘅印度牛奶棉花球 $35呢個印度特色甜品用咗糖同牛奶皮🥛，加入發酵麵粉做成，另外再浸落去椰絲糖水當中，食落有啲似鬆散嘅棉花糖質感，有陣陣椰香同牛奶香，不過就相對較貴同較甜，未必人人接受到餐廳店員都係東南亞人士，其中
地址：長洲新興海旁街71號地下
長洲碼頭落船一出嚟🛳，喺海旁一帶有好多餐廳，除咗只係識得食海鮮之外🦐，其實都仲有唔同嘅菜色可以選擇，今次就去咗Morocco’s呢間主打印度同泰式嘅餐廳🇮🇳🇹🇭
有室外同室內座位，我就揀咗坐室外，近住日落時分仲可以欣賞呢個黃昏晚霞🌄，好寫意🥰
椰子雞湯(中size) $118
中size可以裝到7-8碗，2-3個人飲啱啱好，呢個椰子雞湯香氣濃郁🥥，
椰子味同鮮雞香相輔相成，唔會override咗另一隻味道，雞肉無骨，嫩滑入味😋，仲用咗唔少香料例如薑片、香茅去調味，好補呀💪
菠菜雞肉咖喱 $88
雖然上枱果陣望落顏色怪怪地🙈，但食落原來唔差㗎🤪，
將菠菜磨成蓉，加入孜然同印度香料，
用香脆印度薄餅($28)蘸起雞肉同醬汁，食落有清新菠菜同咖哩香，咬多幾吓仲食得出陣陣孜然味😌，唔錯唔錯，有時真係唔好比食物嘅賣相呃到呀😂，原來係有驚喜嘅
印度牛奶棉花球 $35
呢個印度特色甜品用咗糖同牛奶皮🥛，加入發酵麵粉做成，
另外再浸落去椰絲糖水當中，食落有啲似鬆散嘅棉花糖質感，有陣陣椰香同牛奶香，不過就相對較貴同較甜，未必人人接受到餐廳店員都係東南亞人士，其中仲有一個喺香港土生土長嘅尼泊爾裔香港人🇳🇵🇭🇰，靚仔得嚟仲喺用流理廣東話同我地溝通😍，有機會可以去搵吓佢😆
Post
