L.D.K. by Ufufu Café (MOSTown新港城中心(4期)) (Closed)

小朋友最鍾意黎呢間餐廳，因為野食又靚又好味，兒童餐仲有玩具送。吉列豚肉佐咖哩蛋包飯 ＄148吉列豚肉炸得好脆，蛋都好嫰滑，日式咖哩偏甜口味，所以小朋友都食到。海老野菌忌廉汁意粉 ＄132忌廉汁奶香味重，大蝦都好爽口，不錯。兒童餐 ＄78有齊小朋友最愛嘅元素，香腸八爪魚、吉列大蝦、九州風炸雞、炸薯條、蔬菜、意粉、布甸，最緊要係仲有小禮物一份。其實就略為熱氣左小小，簡中食一下好啦。宇治抹茶蕨餅芭菲 ＄78抹茶雪糕好濃茶味，最鍾意蕨餅QQ的，不錯。草莓家族乳酪芭菲 ＄78小朋友揀嘅草莓口味，酸酸甜甜。甜品賣相一流，好吸引。食物係唔錯，價錢略貴，間中一次ok的。