Lab 66 (Closed)

今晚約咗幾個朋友聚聚舊，喺球場過嚟經過黑布街，四周都係食嘢嘅地方，見到呢間外表好似cafe，望入去已經好舒服嘅西餐廳，就試試佢啦。望入去舖仔細細，原來還有樓上雅座，一邊嘅裝飾好特別好似自己設計咁好有特色。先叫咗個柚子沙律，美味沙律淨係外型都已經好吸引，紅紅綠綠咁，一粒粒晶瑩嘅柚子肉，加上紅石榴 同埋啲沙律菜，顏色已經好吸引。面層同有少少花生碎同蒜蓉，加上啲柚子汁，食起上嚟非常清新。串燒拼盤上枱嘅時候，串燒切到好似一個小斜塔用梅花間竹嘅方法一層一層疊上去，好有立體感，佢有三種唔同嘅串燒，有雞肉啦，佢哋雞肉用七味粉燒燒到好似bbq咁好香，食落去啲雞肉都幾嫩滑。有牛肉啦牛肉帶有日本串燒嘅風味，啲牛肉燒到啱啱好一啲都唔韌。有羊肉啦，羊肉串帶有陣陣孜然粉嘅香味，已經好吸引。不酒的朋友叫左杯Green綠青綠色嘅果汁，呢到好分明咁見到兩層，面層好似泡泡咁，下層應該係果汁，就咁望落好似啤酒咁，一浸泡一陣啤酒，飲落去下面嗰層嘅果汁好甜，比較重嘅青蘋果同提子味，好好飲。然之後攪勻連埋啲泡泡一齊飲過，味道比較淡少少，但係多咗少少橙同奇異果嘅味道。