漢城美食

Open Now

Now Closed

小韓國街上門口不大，入到去好寬敞，仲有2張坐到12人嘅大枱，真係冇乜邊間韓國餐廳有咁大張枱。就算一家大細，三代同堂食飯都唔使分枱坐👍🏻。原來2001年開業至今，可以話係尖沙咀嘅老店，而且價錢實惠。當然韓國人主理都好重要，夠地道。🥢前菜：泡菜，蕃茄香腸片，煎餅泡菜真係間間唔同味，呢間咸啲，冇咁辣，啱我口味。少見有煎餅，蕃茄香腸片，唔錯。🍙牛肉紫菜包飯 $84好香麻油飯包住牛肉同醃菜，就係簡單好味，經典之選。🍗蜜糖牛油雞翼(4隻) $58平時都係食炸雞半隻，今次唔想食咁多，叫左4隻雞翼，炸得香脆，蜜糖牛油好香，仲有炸年糕，香脆軟糯。🍜炸醬麵 $89麵好食，煙韌有咬口，似手工麵。炸醬甜甜地，醬中有細細粒白蘿蔔，清甜，解到炸醬嘅膩。🍲芝士炒年糕 $95唔食得太辣嘅朋友可以叫小辣，以為炒年糕好乾身，原來都好多汁，真係好鐘意芝士配年糕呢個組合。