喵一下 (Closed)

觀塘工廈多特色Cafe，最近又新添多一間文青森系Cafe「喵一下」！係ig 無意loop到呢間Cafe，見環境好靚好有氣氛，即刻就捉咗我個書卷系男友一齊去感受下~ 「喵一下」位於台灣餐廳「小時光」樓上，裝修都同小時光有啲似，都係行小時候復古懷舊路線，cafe有好多懷舊擺設，如舊電視，舊鋼琴…連啲枱枱凳凳都好有時代嘅痕跡~ 同小時光唔同嘅係cafe有好大面好大面嘅圖書墻，同埋室內有好多綠色植物做裝飾，令人感覺好似進入咗森林圖書館咁，非常適合下午時光一個人係度放空下~ 食物方面有飯有麵有小食同飲品可揀，飯類同麵類均配有三個前菜同一湯一甜品，非常豐富~ 🧡燒汁牛肩胛金菇便丼（$98）金菇肥牛卷煮得夠惹味，一啖咬落勁多汁，調味啱啱好，超正！ 🧡山藥冷麵（$78）山藥冷麵配料都幾多料，有紫菜、山藥、梨同胡蘿蔔，都幾啱夏天食，清爽唔膩~ 🧡雲朵紅白火龍果蜂蜜檸檬（$48）棉花糖雲朵造型有創意，非常適合打卡！不過味道個人覺得爭咗啲，味道偏淡咗少少！ 🧡奶蓋水蜜桃綠茶（$38）水蜜桃味好重，奶蓋同綠茶中和返，所以都唔會覺得膩！