Tommy Yummy (翡翠中心)

Open Now

Now Closed

今日同我朋友行完中環街市，佢話想食泰國菜，但又話要打坐得舒服，好彩俾我搵到間Tommy Yummy ，完全可以滿足佢要求。餐廳地方唔算大，但唔會話坐得好逼，如果想坐窗邊露台打卡嗰幾個位。就一定要book枱。虎蝦海鮮混亂杯麵 賣相已經非常吸引，充滿立體感。杯麵炒得非常乾身，而且冬陰功味好濃，配料海鮮有魷魚、青口，仲有一大隻虎蝦。椰子南薑雞湯(二人份)非常足料，而且雞肉嫩滑，雞湯帶有陣陣南薑和檸檬葉嘅香味，亦帶椰奶嘅甜，整體濃郁開胃。芒果糯米飯呢度嘅糯米飯係用班蘭汁整，所以帶有陣陣班蘭香味，整體芒果好甜，糯米飯黏口，份量唔少。椰香菠蘿飄雪椰香味濃郁加埋菠蘿嘅酸酸甜甜，味道非常之夾，飲起上似奶昔。總括而言，餐廳猶如鬧市中的綠洲，係人來人往的中環，想Chill下或者想身心放鬆下，呢度係一個唔錯選擇。