品臻 (士美菲路)

Open Now

Now Closed

阿華田沙冰好唔錯🍧同朋友行完海旁幾口渴，所以就想搵間飲品店試下。見到呢間都幾多人買，而且佢嘅選擇都幾多，所以就買嚟試下啦？除咗飲品之外佢仲有芋圓刨冰，豆花，格仔餅同雞蛋仔有得賣，係茶飲店黎講都算得多嘢賣。叫咗咖央格仔餅，店員新鮮整焗出嚟真係好香，我覺得個醬幾香幾好食，配埋新鮮熱辣嘅格仔餅好有港式小食風味。除此之外我哋仲叫咗綜合豆花。我最鍾意紅豆綠豆同埋薏仁，因為自己都係個芋圓控，所以都加埋芋圓，配埋豆花非常好味！飲品方面，海鹽奶蓋配阿華田沙冰好好飲。沙冰可以清涼解暑，而且佢嘅奶蓋都非常之濃厚，絕對滿足我哩個奶蓋控！椰汁鮮奶芋圓飲品都好香，香濃的椰汁最吸引。