鳳城新鴻苑

Open Now

Now Closed

這天放半日 Annual 跟阿媽過：那就是行街買餸加食野。經過灣仔時聽她說起當年她在灣仔返工時會吃那一店的早餐、喝那一店的凍奶茶。現今，有許多的都已經不存在又或轉了手換了手了。聽著覺得不是味兒。穿過太源街時，阿媽說有間她曾吃過的牛腩在附近，但停在鳳城新鴻苑前，但又覺得好像又不是。此時隔離檔的伙計拿著兩杯熱奶茶走進這店，她說「當年在這裡吃東西時，野飲就在隔離的攞過黎的。」坐低叫了一碗牛腩河、一碗牛腩米同埋一杯熱奶茶；阿媽仲扮熟客咁話啲牛腩要諗啲，個伙計就答會俾最正嘅半肥瘦我地。阿媽嘅牛腩米，好大舊我嘅牛腩河，牛腩嘅味道同平時食嘅有明顯分別，除咗鹹啲外，花椒八角嘅味頗強，挺新鮮。而且諗得來仲有肉味，唔會無晒牛腩嘅質感，但肉質又唔會黐牙。湯我覺得鹹咗少少。杯熱奶茶茶味好夠但無overpower 成杯茶，勁滑，我地都好鍾意。阿媽仲話佢地嘅魚片頭都好多人食，下次一定要食咁話喎。