炑八韓烤 (蝴蝶廣場) (Closed)

人一世物一世，都要試吓啲好嘢。阿媽生日帶咗佢食韓國燒烤，開心到佢呢。嗌咗個牛小排，店員話淨係燒3秒，果然真係咁快熟。哇呢個牛真係同平時食嗰啲好唔同，好好食，我自己嫌三塊唔夠喉！點落個溫泉蛋度，蛋黐住啲肉，簡直一流。佢個牛舌都好正，又厚又大塊，食落去好有口感同埋滿足感，因為好厚肉好好咬，唔使就住就住咁食，啖啖肉嘅感覺係最好嘅。同埋估唔到牛舌裏面都有肉汁，肉質連埋少少脂肪同埋油香融合一齊係個口裏面，真係好正。