老虎堂黑糖專売 (Closed)

每次經過銅鑼灣間老虎堂都見到有好多人排隊，而今次行過太安樓點都要去睇下間老虎堂多唔多人排隊！點知係無人排隊，於是就叫咗一杯冰鎮波霸拿鐵咖啡(加珍珠)$35，等嘅期間，就開始陸續多人嚟幫襯啦，大部份都係後生仔女，相信夜晚應該會更加多人。大約等咗三至四分鐘，就整好咗一杯我要嘅咖啡啦。攞到上手後，隨即跟指示做，搖咗15下，才開始飲，第一啖已經覺得好好飲！好香嘅咖啡味，又唔會覺得太甜，珍珠又彈牙，好飲過珍珠奶茶好多！總結：咁好飲，下次一定會再幫襯，而我依然覺得於太安樓分店買會好啲，因為排隊都係企咗係室內，職員態度又好，加上附近仲有好多其他嘢食，一路飲一路食，更加覺得正。