Video
Read full review
2024-10-24
320 views
阿爺八鮮鍋 雞煲海鮮火鍋必食其實去食嘢，環境都係其次，最重要係食材新鮮服務周到疫情之後越來越多連鎖快餐店、商舖及食肆都唔住被迫關門大吉 阿爺八鮮鍋由旺角搬到去尖沙咀依然都係晚晚爆場我明白點解因為食嘅係一份新鮮，誠意同埋感動放題自助餐食得太太多都係第一次食呢一間雞煲海鮮火鍋咁好驚喜 亦都好有感慨由老闆老闆娘親自招呼你又入門口 之後由坐低直到介紹成個餐成個感覺都好親切好耐冇試過走入去一間食肆後會有咁嘅服務，晚晚爆場係公道既平心而論$398有雞煲、任食活海鮮及火鍋材料同埋送嘅靚湯刺身拼盤性價比十分高 感覺上比起五星級酒店自助餐還要好雖然環境未必有五星級酒店舒服，但係同成班兄弟一齊去打個邊爐食個雞煲點都好過去五星級酒店食自助餐，因為可以暢所欲言飲啤酒大聲講大聲笑當晚送嘅靚湯係蟲草花燉雞 承諾零味精、個湯真係好入味好好飲重點係入味同熱辣辣 夠膽講唔輸蝕俾屋企媽咪煲嘅靚湯 Like and share 之後有個刺身拼盤送 刺身拼盤有魷魚、北寄貝、鯖魚、蝦 喺完全冇落任何豉油Wasabi嘅情況之下 真係好鮮好甜美個雞煲正常份量炒起上嚟非常之香同埋啲雞又嫩又小骨少少辣易入口又易食打邊爐湯底我哋揀咗個椰
其實去食嘢，環境都係其次，最重要係食材新鮮服務周到
疫情之後越來越多連鎖快餐店、商舖及食肆都唔住被迫關門大吉 阿爺八鮮鍋由旺角搬到去尖沙咀依然都係晚晚爆場
我明白點解因為食嘅係一份新鮮，誠意同埋感動
放題自助餐食得太太多都係第一次食呢一間雞煲海鮮火鍋咁好驚喜 亦都好有感慨
由老闆老闆娘親自招呼你又入門口 之後由坐低直到介紹成個餐成個感覺都好親切好耐冇試過走入去一間食肆後會有咁嘅服務，晚晚爆場係公道既
平心而論$398有雞煲、任食活海鮮及火鍋材料同埋送嘅靚湯刺身拼盤性價比十分高 感覺上比起五星級酒店自助餐還要好雖然環境未必有五星級酒店舒服，但係同成班兄弟一齊去打個邊爐食個雞煲點都好過去五星級酒店食自助餐，因為可以暢所欲言飲啤酒大聲講大聲笑
當晚送嘅靚湯係蟲草花燉雞 承諾零味精、個湯真係好入味好好飲重點係入味同熱辣辣 夠膽講唔輸蝕俾屋企媽咪煲嘅靚湯
Like and share 之後有個刺身拼盤送 刺身拼盤
有魷魚、北寄貝、鯖魚、蝦 喺完全冇落任何豉油Wasabi嘅情況之下 真係好鮮好甜美
個雞煲正常份量炒起上嚟非常之香同埋啲雞又嫩又小骨少少辣易入口又易食
打邊爐湯底我哋揀咗個椰子雞 霸王海鮮盤有扇貝、龍蝦、鮑魚、海蝦同埋大閘蟹 全部都係新鮮
鮑魚出到嚟仲係識郁 大閘蟹仍然噴緊泡 啲龍蝦好好肉好多膏，所有海鮮喺玻璃缸即撈即食冇花冇假 上大陸都係為咗食新鮮海鮮啫其實香港都可以
鮑魚蟶子蝦全部新鮮全部任食講真真係超抵 啲大閘蟹好多膏龍蝦同埋啲蝦嘅肉質食落就知係新鮮 唔係出邊食嘅死蝦
其他火鍋材料分別叫咗蝦滑、紫菜響鈴、牛筋丸、肥牛同安格斯牛肉仲有好多…要重點讚嘅係佢啲牛肉，碟碟都咁新鮮，絕對唔會好似出邊啲放題咁樣第一碟就靚肉之後嗰啲全部劣質。另外有個炸魚皮，個口感非常之特別，係連骨咁炸同埋唔知用邊一隻魚嘅皮，我都係第一次食呢一個味道同埋口感非常有驚喜 ，老闆娘好細心出前一丁麵唔係剩係得一隻味，不同味道任君選擇
+$20 啤酒汽水任飲鍾意飲啤酒嘅朋友就啱晒
食完飯之後都有同老闆老闆娘讚賞吓佢哋嘅服務同埋嘢食，因為香港係一個咁艱難嘅時候仲有一啲咁嘅餐廳，有咁嘅服務態度同埋優質嘅食材真係好難得
目測大部份客人都係舊客仔，我希望阿爺八鮮鍋可以繼續keep住個水準同埋做個靚嘅品牌話俾香港人聽其實食新鮮海鮮唔使上大陸，希望見到呢一段文字嘅朋友不妨去試一試支持吓香港本地餐廳，一間用新鮮食材誠意服務為首既火鍋店，同埋最窩心嘅係有抽獎時間每日嘅獎品都唔同，希望下次我再去食嘅時候可以有機會抽到。
我已經訂咗枱下星期再去食要介紹俾下比啲鍾意食海鮮既朋友試試同埋支持吓！
Post
