Video
Read full review
2021-01-29
2284 views
2021年1月25日 星期一今日一早就放咗工，所以就約埋老婆喺筲箕灣食lunch喺筲箕灣行嘅時候發現到有呢一間新記雞粥，行近啲先發現原來係元朗嘅老字號新記係筲箕灣開分店，於是諗都冇諗就入咗去嚟到新記，主打當然係雞粥，不過冇諗到餐牌上面仲有咁多嘢食，除咗粥品之外，仲有滷水同乳鴿食添，於是今次我哋決定叫幾款小食，嘗試一下粥品以外嘅食物等咗大約10分鐘左右，第一道菜就嚟到，係海蜇手撕雞，份量都唔少，完全唔覺得係小食，做正餐都可以，而且味道好足夠，有辣勁，食完之後好開胃，酸酸辣辣，雞肉仍然保持嫩滑，同海蜇好配合之後有酥炸魷魚鬚，嚟到嘅時候仍然出緊煙，熱辣辣，咬落去好鬆脆，炸粉唔算太厚，食得到魷魚好彈牙，而且有咬口，再點埋喼汁簡直一流跟住有凈柱候牛腩，大大煲送上枱面，顏色好濃郁，而且聞落去好香，見到有好多牛筋牛腩，兩個人完全食唔晒，好彩冇叫飯或者粉，但係牛腩汁用嚟送飯應該係一流，因為味道充滿牛肉味，而且食完之後唔覺得口渴，牛腩入口即融，而牛筋就充滿骨膠原，各有各特色然後有鮮蝦雲吞，質素比起一般雲吞麵舖差不多，無論係雲吞嘅大小同味道都幾高質，咬落去裏面見到大大隻蝦仁，而且外皮好薄最後加多一碟菜心，
今日一早就放咗工，所以就約埋老婆喺筲箕灣食lunch
喺筲箕灣行嘅時候發現到有呢一間新記雞粥，行近啲先發現原來係元朗嘅老字號新記係筲箕灣開分店，於是諗都冇諗就入咗去
嚟到新記，主打當然係雞粥，不過冇諗到餐牌上面仲有咁多嘢食，除咗粥品之外，仲有滷水同乳鴿食添，於是今次我哋決定叫幾款小食，嘗試一下粥品以外嘅食物
等咗大約10分鐘左右，第一道菜就嚟到，係海蜇手撕雞，份量都唔少，完全唔覺得係小食，做正餐都可以，而且味道好足夠，有辣勁，食完之後好開胃，酸酸辣辣，雞肉仍然保持嫩滑，同海蜇好配合
之後有酥炸魷魚鬚，嚟到嘅時候仍然出緊煙，熱辣辣，咬落去好鬆脆，炸粉唔算太厚，食得到魷魚好彈牙，而且有咬口，再點埋喼汁簡直一流
跟住有凈柱候牛腩，大大煲送上枱面，顏色好濃郁，而且聞落去好香，見到有好多牛筋牛腩，兩個人完全食唔晒，好彩冇叫飯或者粉，但係牛腩汁用嚟送飯應該係一流，因為味道充滿牛肉味，而且食完之後唔覺得口渴，牛腩入口即融，而牛筋就充滿骨膠原，各有各特色
然後有鮮蝦雲吞，質素比起一般雲吞麵舖差不多，無論係雲吞嘅大小同味道都幾高質，咬落去裏面見到大大隻蝦仁，而且外皮好薄
最後加多一碟菜心，唔會淥到太老，顏色仍然係青翠，咬落去係爽口嘅
食咗咁多嘢，每人都係百幾蚊左右，雖然呢一間店舖主打係雞粥，不過我覺得其他小食一樣唔輸蝕！！
Post
