Video
Read full review
2023-01-01
164 views
顯徑食肆林立，偶爾發現呢間居酒屋水準唔錯！汁煮牛舌，無論牛舌、白蘿蔔定紅蘿蔔都好淋好入味，個汁偏甜而且好香。大家都讚嘅旋風蛋丼，今次揀嘅配炭燒雞。雖然就咁睇有啲奇貌不揚，但實際上雞肉大份嫩滑，上面有燒汁，雞蛋就好似實物見到一樣都好滑口，配上醬汁撈飯好開胃。最得我哋心嘅唔少得壽司！擺盤好有心思，而且十分新鮮，充滿油香，八爪魚同油甘魚仲特別配上少少醬汁。有啲貴，但值得！天婦羅似乎係新鮮整起，非常熱辣辣，食得出炸漿落咗啲酒，好香口，拼盤份量都唔少。炸蝦嘅蝦肉彈牙，而且大隻，食完好滿足。串燒類燒得唔會過龍，唔會燶晒，其中腩肉包荔枝幾特別，燒到少少脆口嘅腩肉俾清新嘅荔枝中和咗個油膩感，好食。總結呢度食物味道唔錯，有啲貴但值得嘅，員工都好好禮貌。2022就咁完了，希望新一年大家都可以繼續食好多好野！
汁煮牛舌，無論牛舌、白蘿蔔定紅蘿蔔都好淋好入味，個汁偏甜而且好香。
大家都讚嘅旋風蛋丼，今次揀嘅配炭燒雞。雖然就咁睇有啲奇貌不揚，但實際上雞肉大份嫩滑，上面有燒汁，雞蛋就好似實物見到一樣都好滑口，配上醬汁撈飯好開胃。
最得我哋心嘅唔少得壽司！擺盤好有心思，而且十分新鮮，充滿油香，八爪魚同油甘魚仲特別配上少少醬汁。有啲貴，但值得！
天婦羅似乎係新鮮整起，非常熱辣辣，食得出炸漿落咗啲酒，好香口，拼盤份量都唔少。炸蝦嘅蝦肉彈牙，而且大隻，食完好滿足。
串燒類燒得唔會過龍，唔會燶晒，其中腩肉包荔枝幾特別，燒到少少脆口嘅腩肉俾清新嘅荔枝中和咗個油膩感，好食。
總結呢度食物味道唔錯，有啲貴但值得嘅，員工都好好禮貌。
2022就咁完了，希望新一年大家都可以繼續食好多好野！
Post
