Video
Read full review
2020-03-14
403 views
唔好以為得梳乎厘好味，主菜都好出色！今日黎到尖沙嘴，特登黎食呢間日本過江龍。其實我喺日本一早已經食過Flippers（仲等左超過一個鐘！），不過今日好痕又想食，順便試吓香港同日本有冇分別。我哋午餐時間嚟嘅，個肚餓到鼓鼓聲，即刻嗌兩個主菜！我點左黑松露忌廉意粉，本身諗住既然係食疏附你班戟嘅鋪頭，主菜應該普普通通。點知一上菜我就知道我錯了，意粉大大碟，性價比高，而且超級多我最鍾意食嘅菇，菇仲要係有菇味嗰種靚菇🍄（有啲菇係真係冇菇味架🤣），黑松露配忌廉不嬲都好食嘅，成碟野好開胃好好味！我朋友呢就叫咗一個漢堡餐，個人唔係好鍾意食呢度嘅，但係呢個都唔錯，又漢堡扒係半熟，中間見到仲有啲紅色，薯條都炸得幾好，算係中上嘅程度啦～終於嚟到重頭戲！叫咗個士多啤梨藍莓香蕉班戟，建議如果食飯時候想食埋甜品，就要落主菜嘅時候一齊叫埋啦，因為佢都要整20分鐘左右。終於上菜！個樣同日本食嘅時候佢都冇分別，都係睇落好軟林林！記得影完相之後拿拿臨食，如果唔係佢會扁晒，冇咁好食㗎！講返食評先，我覺得佢同日本食嗰個冇乜分別，都係咁好味！一差落去鬆軟嘅口感係口度散開，完全冇漏嘅感覺，我朋友不嬲都唔鍾意食呢啲漏嘅甜品，佢都覺得
今日黎到尖沙嘴，特登黎食呢間日本過江龍。其實我喺日本一早已經食過Flippers（仲等左超過一個鐘！），不過今日好痕又想食，順便試吓香港同日本有冇分別。
我哋午餐時間嚟嘅，個肚餓到鼓鼓聲，即刻嗌兩個主菜！我點左黑松露忌廉意粉，本身諗住既然係食疏附你班戟嘅鋪頭，主菜應該普普通通。點知一上菜我就知道我錯了，意粉大大碟，性價比高，而且超級多我最鍾意食嘅菇，菇仲要係有菇味嗰種靚菇🍄（有啲菇係真係冇菇味架🤣），黑松露配忌廉不嬲都好食嘅，成碟野好開胃好好味！
黑松露忌廉意粉
65 views
0 likes
0 comments
黑松露忌廉意粉
59 views
0 likes
0 comments
我朋友呢就叫咗一個漢堡餐，個人唔係好鍾意食呢度嘅，但係呢個都唔錯，又漢堡扒係半熟，中間見到仲有啲紅色，薯條都炸得幾好，算係中上嘅程度啦～
48 views
0 likes
0 comments
終於嚟到重頭戲！叫咗個士多啤梨藍莓香蕉班戟，建議如果食飯時候想食埋甜品，就要落主菜嘅時候一齊叫埋啦，因為佢都要整20分鐘左右。終於上菜！個樣同日本食嘅時候佢都冇分別，都係睇落好軟林林！記得影完相之後拿拿臨食，如果唔係佢會扁晒，冇咁好食㗎！講返食評先，我覺得佢同日本食嗰個冇乜分別，都係咁好味！一差落去鬆軟嘅口感係口度散開，完全冇漏嘅感覺，我朋友不嬲都唔鍾意食呢啲漏嘅甜品，佢都覺得唔漏，都食咗好多！
士多啤梨藍莓香蕉班戟
$119
107 views
0 likes
0 comments
士多啤梨藍莓香蕉班戟
$119
97 views
0 likes
0 comments
另外附上我喺日本食嘅flippers班戟，你哋就知真係冇乜分別！
［日本Flippers］ 士多啤梨藍莓班戟
35 views
0 likes
0 comments
Post
