哈欠

Open Now

Now Closed

難得放半日離開熟悉嘅環境出走一下，見到社交平台介紹，所以出走一試，地鐵出咗冇耐就搵到，門口充滿住打卡要點。餐廳之前曾經係MV拍攝場景之一，加上生日應援，令到食物成為次要。不過既然嚟到，午餐下午茶一齊食，因為天氣太熱，破戒飲了凍雪梨花茶（唔記得名，只記得要少甜少冰），同埋桂花蜜雞翼（唔記得全名）。因為影相或就下其他客人影相，當飲嘢時，已經唔咁凍（證明影咗好一段時間），雞翼炸得冇想像中咁乾，不過隻隻都好大隻，$68可能比一些同類餐廳嚟講可能貴，桂花蜜令雞翼食起嚟冇咁熱氣，但見賣相係值得一試。飲品方面，當日太悶熱，飲完杯嘢成個人舒服晒，呢一餐的確食完好放鬆，有放假嘅感覺。