德國餐廳 (Closed)

係平安夜晚買左戲飛係Element睇戲，無訂位確實好難搵到位食野，所以就同朋友一齊行番去渡船街果頭搵好野食。其實渡船街真係有好多好野食，有選擇困難症既我地，真係唔知點揀，最後好隨意入左間德國餐廳食豬手同雜腸。朋友見到門口既雜腸覺得吸引，而我就俾豬手吸引左，所以我地就決定一試。落完order就豬手先上，皮脆到咬落去都聽到聲，肉都嫩滑，加埋一齊放入口，十分不錯。碟邊配上薯蓉同酸菜，就有D失色，薯蓉都尚算可以，而酸菜先係成個dish既靈魂，可惜就唔係正宗既德國酸菜，十分中國feel，又唔酸，放係豬手旁真係有d失色，因為牡丹雖好，但都需要綠葉扶持。之後上雜腸，一共有四款，全部都係豬或豬溝羊既腸，個人比較喜歡黑胡椒腸，少少辣味帶番肉味，不錯！相反朋友比較鍾意芝士腸，咬落去都feel到有汁“支”出來，芝士味都重。相中最長果隻，相信係豬溝羊，但可惜唔太吸引，味道都一般，而最尾一種就更加分唔到係咩腸，亦不太吸引。店內得一人管理，由落單到上菜到倒酒到埋單，都係佢一個人，店鋪細細，但都可以handle到。