Video
Read full review
2022-10-14
1570 views
相約久違了既Sweetie午餐小聚，想食好西但又要靜局地方傾吓密偈，做人有時又真係幾矛盾呀呵？🤭Sweetie精挑細選之下推薦左呢間位於閙市（銅鑼灣）、唔多人知（可能只係我孤陋寡聞😅😅）但食物又性價比高既Happy Kitchen Cafe，既然係咁又不妨去試吓呢間新嘢（至少對我嚟講係新先啦😄😄😄）疫情關係，其實已經有半年以上無嚟過銅鑼灣lu，所以嚟到銅鑼灣要搵呢間cafe，對於我呢個出名路盲既朋友仔嚟講，係確實有啲難度。Happy Kitchen Cafe係位於銅鑼灣Aeon Store前址（現為German Pool陳列室）一樓。佢地有行會員制可享午餐特價（其實只係下載及登記個German Pool Vip App就已經係會員）。咁啱佢地今日因為預備食材delay左 ，所以原定12:00nn既午餐要12:30nn先可以落單。對於有先天選擇恐懼重症既我就趁呢半粒鐘磋商一輪，最後決定order牛肉拌飯（原價$176，會員價$88），Sweetie 就揀左五花腩拌飯（原價$156，會員價$78），等大家可以Happy Share一下。飯後亦Order 左一人一杯熱Latte嘆吓Chat
Sweetie精挑細選之下推薦左呢間位於閙市（銅鑼灣）、唔多人知（可能只係我孤陋寡聞😅😅）但食物又性價比高既Happy Kitchen Cafe，既然係咁又不妨去試吓呢間新嘢（至少對我嚟講係新先啦😄😄😄）
疫情關係，其實已經有半年以上無嚟過銅鑼灣lu，所以嚟到銅鑼灣要搵呢間cafe，對於我呢個出名路盲既朋友仔嚟講，係確實有啲難度。
Happy Kitchen Cafe係位於銅鑼灣Aeon Store前址（現為German Pool陳列室）一樓。佢地有行會員制可享午餐特價（其實只係下載及登記個German Pool Vip App就已經係會員）。
咁啱佢地今日因為預備食材delay左 ，所以原定12:00nn既午餐要12:30nn先可以落單。對於有先天選擇恐懼重症既我就趁呢半粒鐘磋商一輪，最後決定order牛肉拌飯（原價$176，會員價$88），Sweetie 就揀左五花腩拌飯（原價$156，會員價$78），等大家可以Happy Share一下。飯後亦Order 左一人一杯熱Latte嘆吓Chat 吓。
兩Set既午餐分別送上，豬腩肉起碼有八塊，牛肉也薄切一疊上（如圖）隨set有一碗大白飯，一碗好清甜內有厚切圓轆轆白蘿蔔一大塊既蘿蔔湯，另有4-5塊生菜（可包肉食）及韓式辣醬、兩小碟泡菜及生蒜片。
桌上放置了個German Pool小巧燒烤爐供客人韓燒。肉類（包括牛及豬腩肉）味道剛剛好，不會太鹹，加上韓式辣醬夾生菜作包，正！😋😋😋
飯後兩個都order左一杯熱Latte嘆吓，幾好飲，不過都要$39@1。Latte質素恰如其份般都有75分。
另有熱水（廚房供應）、室溫水、紙巾/紙飲管等（自助）供客人免費飲用！貼心！抵讚！
喺銅鑼灣呢個鬧市，喺一個坐得舒舒服服寧靜既環境，嘆一個性價比高既韓燒午餐，仲只係$8x既價錢（無加一），唔係唔支持啩！😍😍😍會再幫襯及推薦其他朋友去食呢間～Happy Kitchen Cafe😍😍😍
五花腩拌飯（會員價$78）
$156
42 views
0 likes
0 comments
牛肉拌飯（會員價$88）
$176
52 views
0 likes
0 comments
熱Latte
$39
39 views
0 likes
0 comments
Post
