Video
Read full review
2021-05-14
120 views
❀ Trois Cafe #中環 #💛 ❀❗️隱蔽巷仔內細細間味道高質Cafe ❗️——————————————————Trios係法文「三」嘅意思，象徵着呢度售賣食物、中式茶、咖啡，而且佢哋嘅選擇種類都幾多~Cafe唔算好大，只有大約10張小枱，但裝修都有唔同嘅感覺，一邊係有過百年歷史嘅磚牆，而令一邊就粉飾過帶點時尚感，門口就有種復古嘅味道，自己其實略嫌有啲啲混亂，唔算好打卡able，而且環境有少少迫，不過作為foodie，我最重視都係食物嘅質素😆，幸好佢哋大部份食物都幾高質，難怪中午時分都有唔少中環OL幫襯。.✷𝑀𝑒𝓃𝓊✷☞ 鰻魚牛油果配酸種麵包🥖 $98 (4.1/5) 聽講呢個係連杜汶澤都有讚好！麵包上擺放左一條長長嘅鰻魚，未算最厚身，但口感滑溜肥美，配上甜甜地分量剛好嘅鰻魚汁，滲透落麵包度。加上熟透嘅牛油果同埋唔苦嘅火箭菜，真係幾好食👌🏻！略要挑剔嘅係酸種麵包相對似普通法包多啲，唔算太有韌性，反而係外脆內軟熟，酸味亦唔係太突出，但整體都幾好食。.☞ 煙燻牛肉mini bao $42 (3.7/5)呢度嘅另一特色就係mini bao🍔可以選擇炸饅頭或者牛角包，覺得炸饅頭較為少見，所
❗️隱蔽巷仔內細細間味道高質Cafe ❗️
——————————————————
Trios係法文「三」嘅意思，象徵着呢度售賣食物、中式茶、咖啡，而且佢哋嘅選擇種類都幾多~Cafe唔算好大，只有大約10張小枱，但裝修都有唔同嘅感覺，一邊係有過百年歷史嘅磚牆，而令一邊就粉飾過帶點時尚感，門口就有種復古嘅味道，自己其實略嫌有啲啲混亂，唔算好打卡able，而且環境有少少迫，不過作為foodie，我最重視都係食物嘅質素😆，幸好佢哋大部份食物都幾高質，難怪中午時分都有唔少中環OL幫襯。
.
✷𝑀𝑒𝓃𝓊✷
4 views
0 likes
0 comments
☞ 鰻魚牛油果配酸種麵包🥖 $98 (4.1/5)
聽講呢個係連杜汶澤都有讚好！
麵包上擺放左一條長長嘅鰻魚，未算最厚身，但口感滑溜肥美，配上甜甜地分量剛好嘅鰻魚汁，滲透落麵包度。
加上熟透嘅牛油果同埋唔苦嘅火箭菜，真係幾好食👌🏻！
略要挑剔嘅係酸種麵包相對似普通法包多啲，唔算太有韌性，反而係外脆內軟熟，酸味亦唔係太突出，但整體都幾好食。
鰻魚牛油果配酸種麵包
$98
9 views
0 likes
0 comments
鰻魚牛油果配酸種麵包
$98
27 views
0 likes
0 comments
.
☞ 煙燻牛肉mini bao $42 (3.7/5)
呢度嘅另一特色就係mini bao🍔可以選擇炸饅頭或者牛角包，覺得炸饅頭較為少見，所以就揀咗炸饅頭。
無可否認炸饅頭的確幾香脆，不過有啲油🙈。
煙燻牛肉亦比想像中細，望落去有啲單調，成嚿食未算好食得出。
配上流心蛋黃嘅煎蛋同埋少許沙律醬，因為我自己幾鍾意沙律醬，配埋蛋黃一齊幾rich，救翻個味道👌🏻。
煙燻牛肉mini bao
$42
17 views
0 likes
0 comments
.
☞ 甜手作班㦸 配時令雜果及手作果醬 大紅袍雪糕 $80 (4.2/5)
曾經瘋魔一時嘅班㦸，而家好似少見咗好多。
呢度嘅班㦸幾好食😆口感係偏實在有少少黏口，我自己幾鍾意 (未必適合鍾意非常fluffy嘅人)。
最最最欣賞係佢嘅手作果醬，用上士多啤梨製作🍓箇中莓香非常鮮甜，深透咗落啲班㦸，好好食！配埋佢茶味突出嘅大紅袍雪糕，非常之夾，推薦一試😋！
另外佢哋仲可以揀nutella banana味，不過我自己覺得nutella就有機會搶走左大紅袍嘅茶香，推薦嘗試佢哋嘅手作果醬🥰！
甜手作班㦸 配時令雜果及手作果醬 大紅袍雪糕
$80
3 views
0 likes
0 comments
.
☞ 季節限定 流心黑芝麻卷蛋 $45 (4/5)
佢哋定期會推出唔同嘅季節限定款式，今期係黑芝麻卷蛋🍰！
特意整到芝麻餡有少少流出來咁呈上，望落非常吸引！
黑芝麻嘅味道亦都好濃烈，不過就係香濃芝麻糊嗰種，唔係無糖莎莎口感，可能較為適合大眾口味(? 個人鍾意莎莎口感黑芝麻多啲)，表面再有啲類似奶蓋味嘅忌廉。
卷蛋口感鬆軟，發揮應有嘅水準👌🏻。
流心黑芝麻卷蛋
$45
5 views
0 likes
0 comments
流心黑芝麻卷蛋
$45
25 views
0 likes
0 comments
.
☞ 季節限定 桂花菠蘿特飲 $47 (3.5/5)
季節限定 桂花菠蘿特飲
$47
10 views
0 likes
0 comments
☞ 季節限定 玫瑰花薑啤氣泡飲 $50 (3.5/5)
玫瑰花薑啤氣泡飲
$50
6 views
0 likes
0 comments
兩杯季節限定飲品就相對普通，對我來講有啲太甜，有糖水感覺🙈。
——————————————————
✨整體味道: 4/5
✨環境裝修: 3.5/5
✨服務態度: 3.8/5
✨性價比: 4/5
✨再訪興趣: 4/5
.
💞整體來講
食物質素都幾好，係間真係可以食飽肚又好味嘅Cafe，尤其推薦佢嘅鹹食，值得一試😆！反而飲品就爭啲。不過環境就唔算特別靚，而且座位有啲少，雖然冇行入座時間，但就未必坐得好舒服，但都幾啱喺附近返工食返個快早餐/lunch👌🏻。
Post
