品味舫

Open Now

Now Closed

朋友介紹呢間隱世餐廳。一試之下真係令人好掛住🥰呀個雞翼好得呀。一入口會試到佢嘅蜜汁，咬落去好多肉汁，煮得啱啱好，啲肉好滑溜唔老。粉絲蒸蟶子，好味嘅關鍵就係新鮮。佢嘅鮮甜係令人好難忘，粉絲索埋啲汁好正。最欣賞嘅係佢嘅鼓汁蒸白蟮，好新鮮。食得出肉地彈牙，有鮮味，啲汁撈飯食一流。再加埋勁索汁嘅豆卜，呢個配搭真係食多碗飯都得呀。估唔到呢間鋪頭咁貼心，飯後仲有甜品食，真係令到成餐飯好完整呀。成餐飯食得好開心自在，好有屋企食飯嘅感覺。