峯日式料理 (Closed)

曾經午市去過但好多人，今日得登晚市去會一會佢。晚上5點半去到先知6點半先開門，唯有行下附近商場夠鐘先折返，但絕對值得。叫左人氣嘅石燒牛小排定食同醬燒鰻魚定食，好好味，又抵食。牛小排有熱石自己燒，生熟自己控制，撒上少少鹽就已經好好味，用麻醬反而太搶。鰻魚定食有原條鰻魚，無論午市晚市都只係$68，超值。估唔到熟食市場內有咁高質嘅日式小店，下次要試埋另一人氣鹽燒牛舌定食要留意小店得兩個人，一腳踢，食物預左要等一陣，但絕對值得。