Video
Read full review
2023-02-18
374 views
兩夫婦小本經營嘅拉麵小店，店舖位置有小小隱蔽，路過嘅時候可能唔太顯眼會錯過咗，前幾晚經過見到有人排隊就諗住試下，一望餐牌發現價錢相對親民 仲有優惠加$2有兩隻雞翼！等咗15分鐘 入到去即刻點餐！叫咗兩碗蕎麥拉麵🍜麵底好特別，唔係一般嘅拉麵，係蕎麥mix拉麵，麵質彈牙無鹼水味！濃濃嘅白雞湯質感軟綿入口香滑，濃而不膩，味道帶清甜，食完之後好飽肚！淨係呢個湯底老闆足足用咗至少10個鐘頭熬製，用咗大量雞殼雞腳熬製難怪食落感覺到濃濃嘅骨膠原，由於太花時間，老闆話只可以星期六，日限量發售！叉燒經過慢煮再薄切，肉質嫩滑無乜脂肪，仲有微微嘅炭燒味！半熟蛋都好流心，醬油味唔會濃所以唔會好鹹，食到蛋香味！京蔥都有炒過所以帶清甜味，完全無草青同辣味，值得一讚！香菇雞肉碎係老闆特製，配上醬油烹調鹹鹹地配上拉麵食可以豐富口感同提升層次感！另外一碗叫咗黑醬油叉燒蕎麥拉麵🍜 清湯醬油湯底清甜，用咗鰹魚昆布等材料熬製，再加入老闆自家調製嘅醬油，食完唔會有口乾嘅感覺！汁燒廣島蠔🦪唔算細隻，食到蠔味拉麵仲可以跟餐配餃子🥟配上柚子醋去除油膩感覺二月優惠 加$2兩隻雞翼，好抵食阿😂總括嚟講 小店式經營，食物質素高！價錢親民，
兩夫婦小本經營嘅拉麵小店，店舖位置有小小隱蔽，路過嘅時候可能唔太顯眼會錯過咗，前幾晚經過見到有人排隊就諗住試下，一望餐牌發現價錢相對親民 仲有優惠加$2有兩隻雞翼！等咗15分鐘 入到去即刻點餐！
醬油濃雞湯叉燒蕎麥拉麵
$78
28 views
1 likes
0 comments
叫咗兩碗蕎麥拉麵🍜麵底好特別，唔係一般嘅拉麵，係蕎麥mix拉麵，麵質彈牙無鹼水味！
濃濃嘅白雞湯質感軟綿入口香滑，濃而不膩，味道帶清甜，食完之後好飽肚！淨係呢個湯底老闆足足用咗至少10個鐘頭熬製，用咗大量雞殼雞腳熬製難怪食落感覺到濃濃嘅骨膠原，由於太花時間，老闆話只可以星期六，日限量發售！
叉燒經過慢煮再薄切，肉質嫩滑無乜脂肪，仲有微微嘅炭燒味！
半熟蛋都好流心，醬油味唔會濃所以唔會好鹹，食到蛋香味！
京蔥都有炒過所以帶清甜味，完全無草青同辣味，值得一讚！
香菇雞肉碎係老闆特製，配上醬油烹調鹹鹹地配上拉麵食可以豐富口感同提升層次感！
黑醬油叉燒蕎麥拉麵
$78
24 views
2 likes
0 comments
另外一碗叫咗黑醬油叉燒蕎麥拉麵🍜
清湯醬油湯底清甜，用咗鰹魚昆布等材料熬製，再加入老闆自家調製嘅醬油，食完唔會有口乾嘅感覺！
汁燒廣島蠔
$48
18 views
0 likes
0 comments
汁燒廣島蠔🦪唔算細隻，食到蠔味
拉麵仲可以跟餐配餃子🥟配上柚子醋去除油膩感覺
二月優惠 加$2兩隻雞翼，好抵食阿😂
總括嚟講 小店式經營，食物質素高！價錢親民，出餐快，食物溫度又夠熱，不過小食種類唔多，希望店主可以出多啲小食！
Post
