Exotica Gelatea (Closed)

最近發現公司附近有間隱世漢堡包， 位置係時代廣場後面， burger 有7款，original 同combo 分別係跟薯條， tasting 係size 細一半。餐廳gelato 都好似係主打， 本身想試下GELATO HONEY TOAST， 可惜吐司售罄。最後揀和牛漢堡同煙肉芝士牛肉漢堡， 另加左杯蜜桃茶。♡ Wagyu Burger combo $139原來餐廳標榜世界最好食和牛漢堡， 當然要試一試。漢堡好足料， 好高好大個， 有生菜、蕃茄、芝士。麵包有烘過，有挺度而且非常鬆軟，和牛肉質軟腍，肥瘦適中， 仲有成2cm 厚，果然名不虛傳。薯條係幼薯條，外脆內軟，有薯味， 放到最後食都仲好好食😋 推介大家要加薯條， 好後悔我只加左一份♡ Bacon Cheese Burger original $105一樣有生菜、蕃茄、芝士同牛肉漢堡。 煙肉有3塊， 煎得好香，牛肉肉質比和牛瘦， 襯煙肉咸咸香香亦都好好食。 ♡ add on drink(peach tea) +$35餐廳好貼心， 見我地點左一杯餐似另外俾左杯冰水。蜜桃茶唔會太甜， 有蜜桃香味。