Video
Read full review
2017-02-23
1467 views
法國菜平時食得多，但Fine Dinner真係未試，諗到要食3個鐘真係驚驚地，但家姐一番好意咁帶我去食，無理由拒絕佢嘅一放工就同家姐係尖沙咀匯合，都行左好遠先到，而且大廈嘅門牌有啲隱蔽，差啲行過左唔知，而且要係樓下call上去先會開鐵閘門。入到去燈光昏黃，非常有情調，環境好靜，裝潢設計都好特別，但電話影相差影唔到個效果，枱面仲有隻胡桃夾子陪我地我地坐低左之後有好多情侶上泥食飯慶祝，坐滿哂，Meun有兩款，一個有十道菜，另一款就少啲，深知自己食量驚人嘅我地選擇左十道菜個套餐，仲叫埋生蠔。服務員仲偷偷地同我地兩姊妹講，情侶泥食嘅話，佢地比女士嘅Meun係無寫到價錢，只有男士嘅Meun上會標明價錢，意思係叫男士們識做啦生蠔櫃係入口附近，師傅即叫即開，仲好細心咁撥走所以蠔殻，而且師傅仲會將蠔肉嘅蠔殻相連嘅部位切開，切得好乾淨無浪費，方便入口之餘仲唔會驚食相不雅。生蠔拼盤一共四款，每款兩隻，每一款都大有來頭，服務員會親自向你介紹，佢亦會建議你根據生蠔味道淡至濃咁食。第一款係White Foam，佢係混血生蠔泥，係愛爾蘭雪山包圍嘅海水到養殖，之後再送去法國，蠔肉特別白，而且好creamy。第二款係
入到去燈光昏黃，非常有情調，環境好靜，裝潢設計都好特別，但電話影相差影唔到個效果，枱面仲有隻胡桃夾子陪我地我地坐低左之後有好多情侶上泥食飯慶祝，坐滿哂，Meun有兩款，一個有十道菜，另一款就少啲，深知自己食量驚人嘅我地選擇左十道菜個套餐，仲叫埋生蠔。服務員仲偷偷地同我地兩姊妹講，情侶泥食嘅話，佢地比女士嘅Meun係無寫到價錢，只有男士嘅Meun上會標明價錢，意思係叫男士們識做啦
生蠔櫃係入口附近，師傅即叫即開，仲好細心咁撥走所以蠔殻，而且師傅仲會將蠔肉嘅蠔殻相連嘅部位切開，切得好乾淨無浪費，方便入口之餘仲唔會驚食相不雅。生蠔拼盤一共四款，每款兩隻，每一款都大有來頭，服務員會親自向你介紹，佢亦會建議你根據生蠔味道淡至濃咁食。
第一款係White Foam，佢係混血生蠔泥，係愛爾蘭雪山包圍嘅海水到養殖，之後再送去法國，蠔肉特別白，而且好creamy。
第二款係Mermaid，佢都係愛爾蘭混法國生蠔，唔同嘅係佢養殖時間要4-7年，所以生蠔會吸收到好多礦物質，食落肉質明顯比上一款實好多，而且因爲礦物質嘅關係會有鐵銹味，幾特別。
第三款係2016年攞左金獎嘅法國生蠔Poget，呢種生蠔海水味濃而且鮮甜，肉質外面creamy，但食到入面就會實啲。
最後一款係香港最常見嘅Gillardeau，亦稱為蠔后，出名肉質肥美鮮甜，最特別係呢款蠔嘅味道好有層次感，食到最後會有濃濃嘅榛子味散發，係口腔入面徘徊不散。
自家製甘筍醬面包，覺得似甘筍蓉多啲，特別在於之前無嘗試過，甘筍味濃，面包好鬆軟。餐前小品係廚師用當日最新鮮嘅食材製作，服務員講解個時我無留心聽，食個時發現廚師用紫薯同菠菜搓成丸子，口感好特別。
之後嘅野就係一碟送上泥share嘅。
輕煎北海道帶子，因為係輕煎，帶子中間仲係刺身好嫩口，帶子上係椰菜花奶泡，外面係椰菜花醬，用椰菜花做醬真係第一次聽亦係第一次試，我覺得帶子唔適宜用太濃味嘅醬汁，而椰菜花嘅味夠淡，幾配，另外仲有藜麥種子，幾有咬口，而且夠健康，服務員解釋藜麥種子係無碳水化合物但又能果腹，減肥最岩。三文魚子咬爆左之後啲鹹味出左泥，成個菜即刻無咁單調。
講左下面個碟先，係用美國殼子生牛肉、黑松露、酸青瓜攪拌而成，雖然係生肉，但經混合攪拌後，牛肉唔會太難咬開，亦增添左其他味道落去，旁邊有黑醋同黑醋份子料理，可以掩蓋左生肉嘅味道，仲有自家製腌洋蔥係旁邊，一食落去就知道係用左酒腌，酸酸甜甜得泥又有小小苦澀。上面個碟係豬堅肉凍，將材料打碎配上香料，雪凍完再切片，啲沙律菜擋住左，其實肉凍中間係有鵝肝，每一口都有兩種味道，不過豬肉同鵝肝始終係味濃嘅食物，所以伴菜用切片紅菜頭同去左皮嘅橙肉，兩樣野都好甜，可以中和番。
龍蝦忌廉湯係一人一碟，碟邊係炒過嘅龍蝦籽，飲嘅時候推落湯中，鹹鹹地可用作調味，個湯本身好淡，外面飲好夠都好鹹，但呢到淡得泥又有龍蝦味，而龍蝦籽可以調味，個湯根本連pepper都唔洗落。
鵝肝邊煎到燶燶地，鎖住左肉汁，咬一口先會有鵝肝味散發出泥，鵝肝下面有薑餅碎，可以減低個油膩感。側邊係紅酒天使面，有紅酒嘅酸味，不過紅酒已經發揮哂，所以無酒味，配上士多啤梨醬，酸酸甜甜。
煙燻阿拉斯加蟹肉同溫泉蛋，蟹肉係每日新鮮運港然後師傅人手拆肉，上菜嘅時候，係用蓋蓋住，一打開個時，煙霧迷漫，視覺上嘅享受，食嗰陣時蟹肉都仲係有濃濃嘅煙燻味，溫泉蛋嘅蛋汁留咗落去蟹肉，配埋自家製柚子醬，令蟹肉唔再單調。
接下來會係主菜，所以服務員為我地送上一個番石榴雪葩清味蕾，食落好清新好清爽，好似擦完牙嘅口腔咁，仲帶有小小甜味。
海膽蘆筍意大利飯，第一次見呢個配撘，海膽嘅外層好似煎炸過咁，好脆，而裡面嘅海膽依照軟滑，又唔會散開一pat野，而且海膽嘅份量大，同意大利飯一齊食更加突顯到海膽嘅鮮甜。
我姐姐就揀左澳洲M9和牛肉眼扒，要左五成熟，廚師用左紫薯做薯蓉，紫薯嘅甜味令牛扒嘅油膩感減低，牛肉幼嫩，煎香完後鎖住肉汁，好juicy嘅感覺。
甜品係荔枝醬意大利冰糕，底層係荔枝醬同菠蘿粒，兩種酸同甜嘅混合一齊，中間係窩夫，而上層就係冰糕。
最後以朱古力配上花茶做結尾，花茶可以自選配撘，自己選擇鍾意嘅味道，如果無頭緒嘅都可以聽左服務員嘅介紹。
Post
