Video
Read full review
2019-10-04
746 views
有餐廳為咗出位搞花巧噱頭嘢，亦有餐廳本住務實嘅精神默默耕耘，今次介紹呢間泰國菜位於葵涌，食物樸實地道。老實講相信入得嚟食，唔係附近嘅街坊，就係喺工廠區返工嘅打工仔，我都係因為喺附近住，機緣巧合下發現呢間餐廳。冬陰功湯係每次必選，濃郁嘅湯底，無論酸度辣度都恰到好處，係先生嘅最愛，佢每次都邊飲邊讚🌝湯入面有雞脾菇、蕃茄、大蝦同各種香料，雞脾菇同大蝦索哂湯底嘅味道，非常好味😋用陶土鍋盛載，鍋底有小蠟燭熱住，保溫功能極強之餘，感覺亦好地道😍另外湯嘅份量好多，大概可以分到6小碗，其實兩個人都係好勉強先飲得哂🙈強烈建議三人或以上分享。係我食過最好味嘅燒雞翼，配泰式辣醬，但我哋基本上唔需要點，因為雞翼真係烤得好香好脆又好juicy！即叫即烤，上枱嘅時候熱辣辣，咬開香脆外皮，入面仲冒緊煙！肉汁豐富，一啲都唔乾😍十級推薦👍🏻青咖喱帶小辣，湯汁香濃惹味，牛肉份量多，肉味濃而且保留口感，配菜有翠玉瓜、矮瓜同豆角，唔好睇三樣配菜好似同咖喱風馬牛不相及，配搭出嚟嘅效果竟然出乎意料，三樣配菜都充分吸收湯汁嘅味道，食落惹味juicy😋唯一缺點係湯汁稀咗少少，如果能夠「杰」返啲，配料掛汁嘅效果會更突出😉通菜又嫩又脆綠
冬陰功湯
$78
30 views
0 likes
0 comments
冬陰功湯係每次必選，濃郁嘅湯底，無論酸度辣度都恰到好處，係先生嘅最愛，佢每次都邊飲邊讚🌝湯入面有雞脾菇、蕃茄、大蝦同各種香料，雞脾菇同大蝦索哂湯底嘅味道，非常好味😋
冬陰功湯
$78
16 views
0 likes
0 comments
用陶土鍋盛載，鍋底有小蠟燭熱住，保溫功能極強之餘，感覺亦好地道😍另外湯嘅份量好多，大概可以分到6小碗，其實兩個人都係好勉強先飲得哂🙈強烈建議三人或以上分享。
烤雞翼
$15
16 views
0 likes
0 comments
係我食過最好味嘅燒雞翼，配泰式辣醬，但我哋基本上唔需要點，因為雞翼真係烤得好香好脆又好juicy！即叫即烤，上枱嘅時候熱辣辣，咬開香脆外皮，入面仲冒緊煙！肉汁豐富，一啲都唔乾😍十級推薦👍🏻
青咖喱牛肉
$78
26 views
0 likes
0 comments
青咖喱帶小辣，湯汁香濃惹味，牛肉份量多，肉味濃而且保留口感，配菜有翠玉瓜、矮瓜同豆角，唔好睇三樣配菜好似同咖喱風馬牛不相及，配搭出嚟嘅效果竟然出乎意料，三樣配菜都充分吸收湯汁嘅味道，食落惹味juicy😋唯一缺點係湯汁稀咗少少，如果能夠「杰」返啲，配料掛汁嘅效果會更突出😉
馬拉盞炒通菜
$58
18 views
0 likes
0 comments
通菜又嫩又脆綠，配上馬拉盞鹹香惹味，而且炒得好夠鑊氣😋亦係另一樣必食推介👍🏻
店內嘅職員全部都係泰國人，煮出嘅泰國菜自然地道，好感恩屋企附近能夠食到咁好味嘅泰國菜♥️Post
