四姐川菜

Open Now

Now Closed

係港島食晚飯想食酸菜魚又唔想去到咁遠，就係灣仔搵左呢間四姐川菜。餐廳位置唔易搵，係一棟商廈既1樓，去到既時候地下已經落哂閘咁，但最終都比我搵到。坐低先飲啖茶抖下氣，叫左d 涼菜開下胃口先。先黎個重慶口水雞，雞肉嫩滑，味道偏麻而不太辣，但味道有點單一，如果落多d 唔同種類既調味料會更佳。招牌四川涼麵，呢個真心推介，完全入哂味又麻又辣，聞落仲好香，麵質好有咬口唔會太淋太多醬汁，食得辣既人必點！川式椒鹽蝦，熱辣辣上盤，都炸得幾香幾脆，值得一試。干煸四季豆同蒜蓉油麥菜，食得多重口味辣野都要食番d 菜平衡下。重頭戲酸菜魚，味道偏酸同麻，辣既味道反而唔係好出，魚塊份量都算多，食極都有，但可以更滑，配埋粉絲同酸菜呢餐夠哂飽。