好佰佰

Open Now

Now Closed

今日🚶去完火炭揀傢私，經過駿洋村米入去行下，發覺原來入面都幾大，自成一閣，都幾多野食，行下行下去到1/F見到間叫（好佰佰）既茶餐廳，見仲有下午茶餐🍜食，就入去坐低試下。佢地下午茶價錢都幾抵食，同埋都有d出面冇，唯獨依度有既特色茶餐。最後叫左2個茶餐。✨豬扒冬蔭功湯飯🍲：好大碗，好足料，塊豬扒🥩大塊又入味不在話下，個冬蔭功湯飯🍲好好食，d飯索晒d冬蔭功湯，變埋泡飯，1味2食。✨燒鴨🍗瀨🍜：燒鴨🍗一食落去就知有料到，外皮香脆，跟住一層薄薄脂肪，再到肉，層次分明，問番師傅，原來依度燒味係自己燒，唔怪之得咁有水準，仲要係$25，邊度食到。✨+$10瑞士汁雞全翼🍖：隻雞全翼滷得好入味，又唔會太鹹同太甜，味道剛剛好。✨紅豆冰🍧：有三分之二杯係紅豆，我要粒粒都咁大粒，跟餐加五蚊就有，仲要大大杯。雖然我係食緊下午茶，但我留意到原來夜晚佢哋都有雞煲食，而且聽講仲係招牌菜，下次一定會再嚟試。