King's & Queen's 冰室 (Closed)

同朋友踏單車由大圍諗住試下入西貢，點知原來係無單車徑入既，最後見到呢間喺馬鞍山既餐廳好有情調，又有戶外位，就坐低佐點野食啦。餐牌選擇超級多，大排檔，茶餐廳，海鮮，甚至德國豬手都有，令有選擇困難症既我都有d頭痕。熱檸蜜 $25凍奶茶 $25飲品都幾大杯，同埋熱飲個杯好靚。粟米魚肚羹 $118細細個好鐘意食粟米魚肚羹，估唔到呢度有得食，份量好夠大，大約有6-8 碗既份量，一大班人食share都好夠，而且魚肚既份量好多，配埋胡椒粉真心正。黃金蝦仁 $108黃金蝦係我既大排檔至愛，而呢度既黃金蝦更來個upgrade，用佐蝦仁，咁就唔駛食埋d殼，而佢既黃金脆漿更有香脆口感，有驚喜。豉汁蒸大鱔 $128本身想食蒸倉魚，但係餐廳賣哂，所以就轉佐order食大鱔，佢有滑滑豆腐放底，另外再墊有粉絲，一次過滿足三個願望，而大鱔亦都無令我失望，咬落爽脆有魚味，配白飯一流。德田脆皮咸豬手 $148/隻餐廳推既德國咸豬手，$148真心抵，而味道都同樣值得一讚，豬手既皮好脆，而肉既比例亦岩岩好，食落好有juicy口感，配埋甜辣醬一流。臨走既時候老闆同我地請佢地有做埋早餐，7:30就已經開門，下次一定會黎試試。