Video
Read full review
2021-07-21
1672 views
疫情之後已經好耐冇去旅行啦，真係好掛住台灣。之前上網見到呢間餐廳有鮮奶麻薯，掛念台灣菜嘅我就走咗過嚟食啦。不過原來鮮奶麻薯係每日限定嘅，八點嚟到嘅時候原來已經賣晒，等我下次早啲過嚟試吓先。不過呢度仲有好多好吸引嘅台灣菜，不枉此行。酸辣牛肉麵 $118有得揀刀削麵定係寬粉絲，呢款我哋就揀咗刀削麵。刀削麵食落彈牙。呢個麵嘅湯底唔會好辣，但酸辣香十足。仲有得任加呢度嘅辣牛油，加完之後，個湯嘅味道更加香濃咗。牛肉有三大片，已經煮到好軟淋，食落都有牛肉香。黑蒜牛肉麵 $118呢款黑蒜牛肉麵上面有一大羹蒜泥，加入湯底之後，蒜香極濃，啱晒鍾意食蒜味嘅人。呢款嘅面底我哋揀咗款粉絲，寬粉先望落好似多過刀削麵，食落唔會太硬，感覺係幾容易消化嘅，同個湯底亦都好夾。雙色鹽酥雞 $88相識鹽酥雞係有兩種醬料，分別係柚子醬同埋黑松露醬，醬料嘅份量亦都好多，夠沾滿晒所有鹽酥雞有餘。呢款雞比起一般鹽酥雞大件好多，望落好似韓式炸雞咁，但當一食落去，就知道係鹽酥雞嘅味道，感覺都好特別。雞肉亦都好滑嫩，好味。下次一定要早啲過嚟試到鮮奶麻糬先！
不過原來鮮奶麻薯係每日限定嘅，八點嚟到嘅時候原來已經賣晒，等我下次早啲過嚟試吓先。不過呢度仲有好多好吸引嘅台灣菜，不枉此行。
酸辣牛肉麵 $118
有得揀刀削麵定係寬粉絲，呢款我哋就揀咗刀削麵。刀削麵食落彈牙。呢個麵嘅湯底唔會好辣，但酸辣香十足。仲有得任加呢度嘅辣牛油，加完之後，個湯嘅味道更加香濃咗。牛肉有三大片，已經煮到好軟淋，食落都有牛肉香。
黑蒜牛肉麵 $118
呢款黑蒜牛肉麵上面有一大羹蒜泥，加入湯底之後，蒜香極濃，啱晒鍾意食蒜味嘅人。呢款嘅面底我哋揀咗款粉絲，寬粉先望落好似多過刀削麵，食落唔會太硬，感覺係幾容易消化嘅，同個湯底亦都好夾。
雙色鹽酥雞 $88
相識鹽酥雞係有兩種醬料，分別係柚子醬同埋黑松露醬，醬料嘅份量亦都好多，夠沾滿晒所有鹽酥雞有餘。呢款雞比起一般鹽酥雞大件好多，望落好似韓式炸雞咁，但當一食落去，就知道係鹽酥雞嘅味道，感覺都好特別。雞肉亦都好滑嫩，好味。
下次一定要早啲過嚟試到鮮奶麻糬先！
Post
