Video
Read full review
2019-06-28
158 views
隱世，堅係隱世推介！首先餐廳位於元朗，仲要係元朗再轉車入去，夠唔夠隱世先？餐廳佢係係一個新開嘅美食區裡面，裡面都有十幾間唔同類型嘅餐廳，大家週未又多個新景點喇🙂.崟係做鐵板燒嘅，套餐大約幾百至二千蚊到，可以單點加料，餐廳座位唔多，大約10個到，去之前記得訂左枱先呀。餐廳食物無論係食材定係廚師嘅廚藝都屬於高質，另外環境同服務都好好，會有員工keep住serve你，廚師煮完會放喺你面前介紹下食法食材，食飽員工好快幫你收碟，Keep住幫你加茶，成個氣氛都好好。小妹認為都好適合慶祝週年紀念又或者係生日。😄.套餐係龍蝦套餐（$1980）（細細聲講：見到隔離食鮑魚套餐，鮑魚超級大隻，佢哋仲另外加咗隻蝦，隻蝦有廚師手臂咁長😧小妹睇到之後覺得鮑魚餐正啲，龍蝦套餐隻龍蝦太細隻啦）🤤帶子帶子兩邊先到金黃香口，依然保留到裏面嘅肉汁好juicy，加上清酒紫菜湯底，外加一點三文魚子點綴, 一級棒呀！🤤比目魚比目魚嘅做法有驚喜，比目魚嘅魚皮煎煎下會切開咗佢分開煎，大家幻想一下，塊魚皮變左魚皮味嘅薯片，surprise??? 超正呀呢個。🤤響螺用牛油同醬油炒到岩岩好，口感爽脆，味道新鮮🤤龍蝦要扣少少分呀，龍蝦真係太
.
崟係做鐵板燒嘅，套餐大約幾百至二千蚊到，可以單點加料，餐廳座位唔多，大約10個到，去之前記得訂左枱先呀。餐廳食物無論係食材定係廚師嘅廚藝都屬於高質，另外環境同服務都好好，會有員工keep住serve你，廚師煮完會放喺你面前介紹下食法食材，食飽員工好快幫你收碟，Keep住幫你加茶，成個氣氛都好好。小妹認為都好適合慶祝週年紀念又或者係生日。😄
.
套餐係龍蝦套餐（$1980）
（細細聲講：見到隔離食鮑魚套餐，鮑魚超級大隻，佢哋仲另外加咗隻蝦，隻蝦有廚師手臂咁長😧小妹睇到之後覺得鮑魚餐正啲，龍蝦套餐隻龍蝦太細隻啦）
🤤帶子
帶子兩邊先到金黃香口，依然保留到裏面嘅肉汁好juicy，加上清酒紫菜湯底，外加一點三文魚子點綴, 一級棒呀！
🤤比目魚
比目魚嘅做法有驚喜，比目魚嘅魚皮煎煎下會切開咗佢分開煎，大家幻想一下，塊魚皮變左魚皮味嘅薯片，surprise??? 超正呀呢個。
🤤響螺
用牛油同醬油炒到岩岩好，口感爽脆，味道新鮮
🤤龍蝦
要扣少少分呀，龍蝦真係太細隻啦，即使味道係相當美味!! 用鐵板煎炒，另外蝦頭嘅蟹膏配上牛油做醬汁炒香啲龍蝦肉，入口濃濃烈烈嘅龍蝦味再配上香口嘅牛油，個刻我只係想享受龍蝦喺口裏便散發嘅味道🦞🦞🦞好味到講唔到野
🤤青檸啫喱
比你清清個口
🤤隱藏砂糖麵包
師傅先煎香麵包，再喺面頭加上厚厚嘅砂糖，再再以煎煮，砂糖經過高溫煎煮味道都唔算好甜，個人而言相當喜歡👍
🤤香蔥櫻花蝦蛋炒飯
粒粒分明👍超足料
🤤魚湯
呢個不得不說啊真係，餐廳係用咗15斤嘅𩶘魚，起骨去血塊，剁成魚蓉，唔用魚袋日日新鮮熬約兩個小時，再隔開魚蓉重複兩次，煲成50碗小湯，真係超級超級濃郁，完全奶白色，仲有竟然係唔腥，呢個湯真係成餐裏面嘅隱藏角色，超級驚喜！
🤤紅豆3.6牛乳奶凍
Post
