花子舍 (Closed)

隱秘既文青花店，以西餐為主題。店入面幾多乾花幾吸引，令人好似係花園入面食緊野咁，感覺好RELAX。一個餐包餐湯，沙律，仲有餐酒，幾抵。西蘭花忌廉湯好黏好重忌廉，好有口感。沙律，個汁帶柚子味,幾fresh。燒老虎蝦，蒜片辣椒墨魚汁，香草醬扁意粉$160老虎蝦有兩大隻，開邊，燒到岩岩好。墨魚汁係新鮮炒，食到個咀會黑晒，好香墨汁味，同埋橄欖味。慢煮加拿大豬鞍架8orz配紅苺汁 $198用慢煮方法烹調的豬鞍架，肉質唔會好UN，有Ｄ位好軟，感覺唔似食緊豬，而且豬鞍架肥瘦平均，唔會太多肥膩肉，可以鎖死肉汁，配上紅苺汁幾夾！餐酒點左支杯白酒，可以清油膩，唔會好嗆喉，感覺都幾好。餐廳裝潢以至食物都感到好用心，主菜都會加d乾花上去做裝飾，感覺老闆好喜歡花，女仔應該好喜歡呢種感覺。