秋田浜燒食堂

Open Now

Now Closed

今晚天氣突然轉涼，好想食D熱辣辣既野，老公就提議去食日式爐端燒，因為唔想諗，我地就揀左北海漁港套餐，餐廳仲有個小遊戲玩，就係一手拎到幾多蝦就送俾你食。日本和牛肉刺身今晚冇蟹肉刺身，轉左日本和牛肉刺身，估唔到好有驚喜，和牛邊略略燒過，好香，而和牛油脂分佈均勻，入口即溶。青森殘酷網鮑鮑魚好彈牙，店員好用心慢慢燒。兵庫縣直送播磨蠔蠔可以揀燒到幾成熟，而我地都鍾意食熟D，所以燒到全熟，咬落去好多汁，蠔味濃郁。北海道帆立貝帆立貝好大粒，亦好厚身，用左牛油同香草煮，非常鮮甜。人氣味噌甲羅燒甲羅燒好香，蟹肉味超濃，點法包食最夾。山之惠黑松露茸野菌箔燒估唔到放左黑松露去燒更加可以帶出野菌既原汁原味。河豚魚干河豚魚干燒到脆卜卜，點沙律醬味超正。清酒昆布大蜆煮清酒昆布湯好清甜，蜆肉夠哂鮮，而且每隻蜆肉都裝滿湯汁。京都鰻魚茶漬飯茶漬飯係用燒過既飯團，有點微焦，好香，放入熱辣辣既湯，真係好滿足。甜品甜品係雪糕，可以揀綠茶或芝麻味，我就揀左綠茶，綠茶味夠哂濃。