和拉麵

Open Now

Now Closed

放工又肚餓就同朋友揾野食，成個巷其實都有唔少選擇，最後我地就入咗「和拉麵」。估唔到佢哋啲嘢食都唔差。我叫咗辛辣拉麵，佢係有得揀辣度既我就叫左小辣。衣個辣度對我尼講啱啱好，食落幾過癮。建議大家冬天尼食，食得辣既再揀辣啲應該更過癮🤣。另外不得不提個日本糖心蛋，入口即溶又滑，比起其他店更流心。而我個friend就叫左豚骨原味拉麵，湯底都濃郁，配埋啲麵真係一流既配搭，唔食辣既朋友就可以揀衣個保險啲。而小食方面有十幾款選擇，最後我地叫左紫芋甘栗薯餅同日本煎餃子。用紫薯整既薯餅我都係第一次食，係超好味！！薯芯又甜又香，正！而個日本煎餃子炸得都幾香脆，加埋個醬汁食落就更有日本既味道。最後埋單211蚊，有點小貴，但食物水準一流，環境都乾淨又可以傾到計，係好值得再去一次既。