Video
Read full review
2018-08-20
1482 views
第一次食 omasake，一直都想試下，同時有對omasake 抱住少許懷疑態度，係咪真係值得呢個價錢. 經過今晚experience，可以好肯定咁講係絕對係值得.鮨鶴係間隱藏於樓上小店，一入黎只見呈L形圍住廚師吧枱，大約十個座位. 一邊另有三、四張四人枱，坐位不多. 簡單日系風裝潢和擺設，晚上730左右黎到，已經半滿，對住廚師靚位已滿. 被安排到背住廚師位置，睇唔清製作實在有點可惜....餐牌好簡潔，四種不貫數菜單分別係「櫻部」、「正葵」、「丹楓」同「祥鶴」，價錢亦隨貫數由遞增由$800-$1500. 當然價錢愈高款式和貫數也會愈多，今晚我同fd 就選左$800的「櫻部」，共10種加卷物.每次上菜廚師都會簡單介紹一下食材，前菜plating 好精致，仲灑上幾片花瓣. 分別有未來粟米 ，青瓜海哲，一邊係Seasonal 黑倍貝. 亦唔知點解叫未來粟米咁特別，所以印象好深刻. 應該係日本品種，好清甜，而雪凍左做冷盤. 黑倍貝係時令食材，據說唔係成日有，肉質爽彈. 之後係象拔蚌以及赤貝刺身，前者肉質爽脆鮮美，後者呈燈紅色，色澤亮麗，鮮甜味濃郁，帶其有獨特清冽海洋氣息. 口感外層爽脆，內裏貝
鮨鶴係間隱藏於樓上小店，一入黎只見呈L形圍住廚師吧枱，大約十個座位. 一邊另有三、四張四人枱，坐位不多. 簡單日系風裝潢和擺設，晚上730左右黎到，已經半滿，對住廚師靚位已滿. 被安排到背住廚師位置，睇唔清製作實在有點可惜....
餐牌好簡潔，四種不貫數菜單分別係「櫻部」、「正葵」、「丹楓」同「祥鶴」，價錢亦隨貫數由遞增由$800-$1500. 當然價錢愈高款式和貫數也會愈多，今晚我同fd 就選左$800的「櫻部」，共10種加卷物.
每次上菜廚師都會簡單介紹一下食材，前菜plating 好精致，仲灑上幾片花瓣. 分別有未來粟米 ，青瓜海哲，一邊係Seasonal 黑倍貝. 亦唔知點解叫未來粟米咁特別，所以印象好深刻. 應該係日本品種，好清甜，而雪凍左做冷盤. 黑倍貝係時令食材，據說唔係成日有，肉質爽彈.
之後係象拔蚌以及赤貝刺身，前者肉質爽脆鮮美，後者呈燈紅色，色澤亮麗，鮮甜味濃郁，帶其有獨特清冽海洋氣息. 口感外層爽脆，內裏貝肉卻有軟與嫩，口感味道配合成一道美味
火炙北寄貝亦係鮮味滿滿. 不過篇幅有限插唔到圖就一句帶過好啦
厚切深海池魚刺身，肉質細緻，爽口中帶油份，味道甜美.
伊佐目經過用火槍微微火炙過，熱力把魚油逼出，令其入口油脂香更飽滿，而外皮帶火炙過香脆
火炙帶子海膽卷
今晚其實有幾多都菜都係用左海膽，見到廚師毫不吝惜咁落左好多海膽，所以好快用完一板又開拆過另一板. 但同一個vendor 每板quality 都有點差異，呢份海膽雖然口感creamy，但鮮甜味略有不足. 所幸紫菜燒過香脆，帶子厚肉肥美飽滿. 整體還不錯.
不過紫菜類要快食，否則好快變腍. 廚師見到我影相都忍唔住提我快d 食🤣😂
原來對佢無特別大期待，估唔到呢底海膽肥美鮮甜甘香濃郁，其質感幼滑，配合埋以高湯烹製，滑嫩清香茶碗蒸. 真係每一口都係鮮味輕盈順喉，入口即化. 中間有幾粒蟹籽爆開，增添口感及海鮮咸香.
今日刺身食左幾道，終於輪到壽司. 呢道池魚sushi，醋飯已伴上醬油故呈棕色. 池魚乃白身魚，味道相對較淡，而言肉質細嫩且魚味清鮮，其獨特魚香. 池魚上加了些許柚子，令其入口更fresh
之後有金目雕，以及青魚. 兩款上面分別有海膽以及紫蘇葉. 前者擁有鮮豔深紅色魚皮，肉質細緻呈粉紅色，入口軟滑鮮美，加上海膽味道層次更豐富. 後者魚香無咁鮮甜，只有慢慢咀嚼才食到其獨有香味，紫蘇令其味道更有風味.
石垣貝
平時出去食日本餐廳，甚至去日本旅行都未試過石垣貝. 入口真係好驚艷，鮮甜多汁，肉質有點似蟹肉，食完甘香仍於口內縈繞.
忍唔住好奇再問店員，原來佢係時令食材而且當造期比較短，供應亦唔隱定，所以係可遇不可求食材，今晚食到真係太幸運.
櫻花蝦*牡丹蝦*燒蝦膏
另一道驚喜，無想過可以呢個蝦蝦蝦組合可以咁容和咁美味. 牡丹蝦味道鮮甜口感綿密，而上面放上火炙過的櫻花蝦及蝦膏，帶鹹鮮香味，在味蕾爆出甘香惹味實在令人回味無窮.
藤壺貝同樣高質，厚肉鮮甜， 口感爽彈.
中拖羅，無筋. 倒未至於入口即化，可能對佢期望太大，味道反而無其他之前幾款令人印象深刻
之後仲有個super 海膽卷物，一個從鮮蟶子燒出好多油脂mix 埋紫蘇葉蘿蔔卷物，帶有tuna 調味味噌湯，以及西瓜一件作為今餐結尾
總體味道水準都十分之高，不過由於得一個廚師. 而佢又好認真製作，每一道都要等待即時製作，所以留意番時間都頗長... 我地呢餐由7點半食到10點左右. 如果接受到馬拉松式長時間用膳，呢間高質omasake絕對值得一試
Post
