Video
Read full review
2014-01-08
1501 views
第一次寫食評紀念我老公生日，我為佢選擇左人氣餐廳水月。蕃茄啫喱，一入口就爆開，成個口腔充滿蕃茄水味，好清新好特別。蠔葉，明明食緊塊葉，但一邊咬一邊滲出生蠔嘅味道，開頭覺得怪怪地，但回味果陣真係好得意好特別，會想食多一塊😁話梅蕃茄配日本冰菜，粒蕃茄仔係好似食緊話梅咁，好入味好得！之後食冰菜中和返口腔味道，繼續食第二道餸，食得到廚師有安排。鹽燒新鮮鱈場蟹腳配紅菜頭粉、低溫焗bb蒜芯乾、海苔粉爆谷，蟹腳本身鹽燒已經好鮮味，第一次食紅菜頭粉，配落蟹腳味道變得又鮮又甜，好欣賞配喺側面d蒜芯乾，d味道好夾。本身我鐘意食甜爆谷，我將佢點紅菜頭粉食又另一番風味。龍吐珠，上枱一嚿石頭咁配碟醬，打開係兩粒炸球！切開原來係外層蝦膠，食到好鮮甜蝦味，係彈牙嘅，中間果層係龍眼，龍眼包住蟹子，入口外層炸得好香脆，咬入去口感層次好豐富，好奇怪完全唔覺得油膩，同埋咬到最入面蟹子卜卜脆，口感好好，配佢個甜甜酸酸醬汁好開胃。本身我好少食炸野，但都食到，亦無好熱氣感覺，不過如果醬多d就更加好。南瓜雪場蟹鉗蛋白羹，隻鱈場蟹鉗真係好鮮味好得、啖啖肉 ，好似喺日本食果d咁！南瓜湯好香甜，最要讚係佢原個南瓜仔燉蛋白，燉到個南瓜肉又
第一次寫食評紀念我老公生日，我為佢選擇左人氣餐廳水月。
蕃茄啫喱，一入口就爆開，成個口腔充滿蕃茄水味，好清新好特別。
蠔葉，明明食緊塊葉，但一邊咬一邊滲出生蠔嘅味道，開頭覺得怪怪地，但回味果陣真係好得意好特別，會想食多一塊😁
話梅蕃茄配日本冰菜，粒蕃茄仔係好似食緊話梅咁，好入味好得！之後食冰菜中和返口腔味道，繼續食第二道餸，食得到廚師有安排。
鹽燒新鮮鱈場蟹腳配紅菜頭粉、低溫焗bb蒜芯乾、海苔粉爆谷，蟹腳本身鹽燒已經好鮮味，第一次食紅菜頭粉，配落蟹腳味道變得又鮮又甜，好欣賞配喺側面d蒜芯乾，d味道好夾。本身我鐘意食甜爆谷，我將佢點紅菜頭粉食又另一番風味。
龍吐珠，上枱一嚿石頭咁配碟醬，打開係兩粒炸球！切開原來係外層蝦膠，食到好鮮甜蝦味，係彈牙嘅，中間果層係龍眼，龍眼包住蟹子，入口外層炸得好香脆，咬入去口感層次好豐富，好奇怪完全唔覺得油膩，同埋咬到最入面蟹子卜卜脆，口感好好，配佢個甜甜酸酸醬汁好開胃。本身我好少食炸野，但都食到，亦無好熱氣感覺，不過如果醬多d就更加好。
南瓜雪場蟹鉗蛋白羹，隻鱈場蟹鉗真係好鮮味好得、啖啖肉 ，好似喺日本食果d咁！南瓜湯好香甜，最要讚係佢原個南瓜仔燉蛋白，燉到個南瓜肉又熟又好味、蛋白又滑！我係連佢南瓜仔d肉都食埋
麻籽烤威爾斯羊架，呢個係其中一個期待餸，因為睇過其他食評讚口不絕，一定要試。服務員話呢隻威爾斯羊係羊中之皇，我食後感係覺得食評無呃人，肉質真係好嫩滑，味道一d都唔酥，配麻籽又唔係麻到你口痺，而係果種麻香，側邊嚿肥膏更為一絕，甘香！講真，我係忍唔住攞住支骨食，連骨衣都食埋。開頭諗住d色好似咁生有d驚，但原來新鮮肉7成熟係鮮肉嘅粉嫩顏色，我入口又真係夠熟夠嫩，係完全唔駛點薄荷醬或者芥辣，因為已經醃到入哂味，食完係佩服呢道菜。
香芒糖波配朱古力泥，真係驚為天人！應該點食好？原來係用匙羹卜開食！呢個甜品係一絕！芒果熱情果甜酸味混埋個朱古力泥一齊食好平衡，口感好幼滑～加$20蚊寫個生日牌原來係杏仁粉造，都可以食埋！
我老公最開心，因為加左個生日牌俾佢慶祝生日，佢好驚喜。
黑松露焦糖燉蛋，其實到呢個位我已經好飽....點知食完第一啖後追住食埋，真係啖啖黑松露，蛋好香好滑，店主好有誠意！
蟹腳及龍吐珠我叫左house white配，佢house white味道唔錯，幾好。而甜品我叫左杯dessert wine配，佢地dessert wine係moscato d'Asti,好好飲！
最後飲品我選擇左金桔檸檬蜜糖水為呢餐生日飯劃上完美嘅句號。
當我以為食完準備埋單嘅時候，服務員送上兩個骰盅，搞咩？原來係煙燻朱古力，真係第一次食，由外層煙燻味㗳到裡面黑朱古力味，真係意想不到！
埋單兩位$1316，呢個價錢食到食物新鮮、食得又睇得、有驚喜、有得飲埋酒、銅鑼灣區，係物超所值。
Post
