簡品堂

Open Now

Now Closed

陪朋友買生日蛋糕，見到入面有咁多選擇，點知買下買下買左咁多，其實成日都見到呢間舖頭，不過次次都見到咁多人冇乜心機揀，今次陪朋友嚟等蛋糕，反正有時間就跟人哋買來試吓。面包全部獨立包裝，我最鍾意食呢個芋泥肉鬆麵包，入面除咗有好多芋泥仲有滿滿嘅肉鬆同埋麻糬，口感非常滿足。另外小朋友估唔到可以食到一盒兩個Oreo波，麻糬波煙煙韌韌但麵包上面嘅Oreo又脆卜卜，小朋友非常鍾意。糯米糍亦都係我非常驚喜嘅地方，因為佢做得非常軟糯，而且餡料好多，朱古力入面有少少脆米，配埋好軟熟嘅麻糬一齊食，飯後甜品真係一流。曲奇同埋蛋捲係我聽店員講話係非常熱賣，加上我見到近期大熱嘅壓扁牛角酥，下午茶食佢啱啱好，脆卜卜加埋朱古力，止口痕。曲奇每日新鮮製造非常香口，蛋捲亦十分驚喜，好酥脆而且濃濃嘅咖啡味，呢間麵包舖長期排隊，一試之下終於明白點解咁受歡迎。