The Americano By Texas Burger (Closed)

今日中午約咗朋友嚟呢度食, 見到裝修唔錯.. 有幾多人食, 好似都唔錯咁。但係食咗先知原來係伏。我叫咗個b餐: 煎鴨胸柑橘沙律, 首先個鴨胸 有陣叔叔地嘅味。食落仲有啲腥。食咗一嚿就食唔到其他落去。至於個沙律就不過不失啦。覺得咁樣樣一個餐88蚊好唔抵。另外朋友叫咗個芥末洋蔥汁德國腸拼盤配忌廉薯蓉。一上菜, 嘩個賣相其差, 條腸仔好似大蟒蛇咁, 睇到都冇曬食慾。 食落條腸仔係唔差嘅 但係都唔值呢個價錢。 價錢就算平一倍我都未必會食第二次。總括而言賣相同味道真係好一般, 甚至可以話係難食, 應該唔會有下一次。