M Zone 親和藝術 (Closed)

M Zone係一間集cafe同酒吧於一身嘅西餐廳，佢除左有波睇有酒飲，店內仲用霓虹燈同仿真植物做裝飾，好啱黎打卡。野食都算多款揀，小食pizza主菜飯麵甜品都有。自家製餐湯配蒜蓉包($68) - 是日餐湯係龍蝦湯，creamy得黎唔會太鹹，最特別係用芥辣喺湯上面寫左M字，除左用黎裝飾之外，飲落仲有少少辣辣地幾得意，碟邊嘅蒜蓉包亦好香脆。迷你小食拼盤($108) - 小食拼盤除左薯條之外，另外仲可以喺九款小食入面任揀一款，我就揀左香辣脆雞。薯條熱辣辣，連住少少薯皮，香脆得黎有啲咬口。香辣脆雞其實叫香辣雞塊啱啲，雖然唔脆，不過醬汁鹹鹹辣辣幾惹味。鮮茄羅勒煙肉薄餅($128) - 哩度嘅pizza比較細份，直徑大約只有六吋，比較似係小食多過主菜。雖然份量唔多，但pizza餅底唔會太厚太硬，上面鋪滿芝士，加埋茄醬足夠，味道都唔錯。總結，雖然價錢唔算特別平，不過野食唔差，而且又可以睇波又可以打卡，男女都啱。