翡翠拉麵小籠包 (Closed)

好耐冇食過翡翠拉麵小籠包，知道IFC開左，千兩又排長龍，決定試下這間。結果都係要排隊，無計，可能IFC冇乜中式較經濟的選擇卦。等位地方完全冇櫈坐，又冇冷氣，真係差D想放棄!!!! 最後等左幾個字，終於有得入。是晚餐單﹕(1)雞絲粉皮﹕D青瓜絲好幼細，麻醬份量及味道剛剛好，如果可以凍凍地就更好(2)鎮江小排骨﹕一上枱，嚇了一跳，因為顏色實在太橙太鮮艷，味道一般(3)担担麵﹕不錯，味道又香又濃(4)燉雞湯麵﹕個湯好清，齋飲會較好，個麵好淡，都係一般的湯麵好味D值得一提係D服務員，個個年紀都很後生，配合得好好。客人一差不多吃完，就會有不同既人埋枱清理；客人一叫埋單，就立時有一隊人安排下輪。雖然有少少趕客feel，但都明白佢地只係想做多輪生意。老闆請著這班伙記，真係飲得杯落。