港澳義順牛奶公司 (Closed)

夜晚自己一個食完飯,但又未夠鐘學野,經過呢間鋪頭,突然諗返起係澳門食過雙皮奶覺得好好味,所以就決定入去試一試。一入到去連餐牌都無望就叫左雙皮奶了,自從上次係澳門食完念念不忘,終於有機會再試。 等野食黎既時候先望望個餐牌,原來雙皮奶都唔平架喎,我食開既燉奶都係20左右,可能多左塊皮?黎到即刻試下, 牛奶味濃郁, 但係滑..? 可能係我唔識分,唔知點解我覺得個質地好稀咁,加埋濃濃的牛奶味,我覺得自己似飲緊牛奶多D。其實佢黎到既時候,已經見到有一層水咁樣既野?之後一路食,每一匙都好似散左既燉奶咁樣,好似凝固唔到咁。總括黎講,個雙皮奶奶味香濃,味道上的確是不錯的。口感差一點點,可能我是個別例子吧。有機會我還會再試試,看看有沒有分別。