意八餐廳 (Closed)

好難得可以食一個咁豐富既早餐，都係多得公司要我地朝早流流去黃大仙開會，聽到同事講原來以為係去食扒既早餐，不過望到餐牌就只係好似大家樂／大快活既早餐咁。當日我地因為太多人，所以有人要坐主席位，通道太窄，所以行過既人／職員幾乎都會坐到坐係主席位果個同事，（所以下次大家就盡量唔好坐主席位）不過講返Ｄ野食，我想講個厚多士真係好正，熱辣辣果陣裡面好軟，再加埋蒜容味真係一流，我個人就麻麻地出面既蒜容硬多士，太乾，所以呢塊就岩岩好啦。不過要注意一下，餐牌上面既「重量級」全餐，其實個份量同其他餐差唔多，仲要唔多夠飽（同事講）所以可能驚太飽既可以叫「重量級」全餐！