敏華冰廳 (Closed)

本身諗住開開心心食返餐點知變咗完全係超級失望嘅一餐,本身係諗住食敏華招牌嘅黯然銷魂飯,點知原來依家旺角分店冇得食。咁都算啦,我記得之前喺九龍灣分店食過嘅蔥油豬扒雙蛋飯都相當唔錯,就叫咗蔥油豬扒雙蛋飯,明明之前食過有兩大塊厚切豬扒,點知今次得一塊普通size豬扒。最嬲嘅係2隻本應係太陽蛋嘅雙蛋竟然變咗2隻煎熟蛋。冇任何蛋汁可以伴飯,成個飯超乾。完全根本上唔係嗰回事,成個飯質素即刻下降。呢間分店絕無下次。