Video
Read full review
2016-12-17
2400 views
星期五晚兩個人去撐枱腳，我就一直都想試佢嘅雪糕好耐，老公係牛扒達人，亦都一直想試吓呢間啲牛扒係點樣。 入到去都幾多人，發現每一台d野都好似一模一樣。原來夜晚個Menu係set好晒得嗰1000零一款，冇A La carte, 一定要叫牛扒set. 有選擇困難症嘅朋友完全唔使擔心。至於鍾意揀嚟揀去嘅朋友，就真係Tough Luck 啦。如果冇記錯，個set係有碟生菜沙律，上面有小許合桃碎，餐包，當然就係牛扒同埋薯條。醬汁有幾款可以揀：都係大佬嗰啲mushroom,pepper,蒜蓉etc . 講真，塊扒一般般。不過感動位一係佢會分開兩次上。後半塊會一直用蠟燭仔heat住，等佢唔好凍，見你食完頭半塊之後先會放落你隻碟。佢啲薯條係好食嘅係幼款新鮮炸，同埋基本上可以無限refill。(不過講真，你又可以食得幾多，尤其係我哋呢啲中女,想肥死人咩)。我仲叫佢唔好加咁多俾我添，無謂浪費食物同自己quota。其實我覺得間餐廳最難忘嘅，係佢個雪糕。個樣真係好有睇頭，呃like 冇難度。建議記住要手腳快啲相機食先，如果唔係個雪糕斜塔有可能塌落來嚟。白色嗰舊係好香滑嘅雲呢拿Gelato ，紅色係Rasberr
入到去都幾多人，發現每一台d野都好似一模一樣。原來夜晚個Menu係set好晒得嗰1000零一款，冇A La carte, 一定要叫牛扒set. 有選擇困難症嘅朋友完全唔使擔心。至於鍾意揀嚟揀去嘅朋友，就真係Tough Luck 啦。
如果冇記錯，個set係有碟生菜沙律，上面有小許合桃碎，餐包，當然就係牛扒同埋薯條。醬汁有幾款可以揀：都係大佬嗰啲mushroom,pepper,蒜蓉etc .
講真，塊扒一般般。不過感動位一係佢會分開兩次上。後半塊會一直用蠟燭仔heat住，等佢唔好凍，見你食完頭半塊之後先會放落你隻碟。佢啲薯條係好食嘅係幼款新鮮炸，同埋基本上可以無限refill。(不過講真，你又可以食得幾多，尤其係我哋呢啲中女,想肥死人咩)。我仲叫佢唔好加咁多俾我添，無謂浪費食物同自己quota。
其實我覺得間餐廳最難忘嘅，係佢個雪糕。個樣真係好有睇頭，呃like 冇難度。建議記住要手腳快啲相機食先，如果唔係個雪糕斜塔有可能塌落來嚟。白色嗰舊係好香滑嘅雲呢拿Gelato ，紅色係Rasberry Sorbet, 中間夾塊白色嘅蛋白糖餅。雪糕，sorbet ，Rasberry 醬 'Yaam' 埋一齊食好夾好refreshing卡路里急升都完全拋諸腦後食咗先算。
Post
