Gelare (Closed)

今日心情唔多好，好想食雪糕，所以約咗個朋友傾計+食雪糕。朋友係新蒲崗返工，佢話呢間Gelare有雪糕食的。而且環境唔錯。所以我由觀塘就去咗新蒲崗接朋友放工一齊就去咗 Gelare喇。入到餐廳原來除咗有雪糕之外，仲有All day breakast/長通粉/扁意粉/牛扒。加$１８還有一球雪糕。價錢真的唔貴。我最後選擇咗蟹肉帶子扁意粉有三粒帶子，蟹肉都有好多加上蘑菇及芝士。整個意粉好味道，帶子雖然唔係好大粒，但厚肉及鮮味。朋友選擇咗黑松露大蘑菇意大利飯。好多時食意大利飯都會好漏。但係Gelare 食到嘅意大利飯味道香濃但唔漏。大蘑菇又香。食完主餐叫咗杯芒果濃情沙冰。好香芒果味又唔太甜。食完飲完就坐係餐廳傾計。環境舒服又靜。真係一個好嘅選擇。傾到差不多時間當然要order我最想食嘅雪糕啦！我叫咗三球杯裝雪糕。《布朗尼朱古力/草莓/夏威夷果仁》食完雪糕又同朋友傾咗２個鐘。心情完全回復正常。所以話心情唔靚食雪糕係可以醫到架。